Reanudan as obras públicas en Cerdedo-Cotobade tras a suspensión polo estado de alarma
Por Redacción
Catro importantes actuacións de obras de públicas foron reactivadas en Cerdedo-Cotobade tras a paralización inicial decretada polo estado de alarma do coronavirus.
As obras, que supoñen un investimento conxunto de 4,8 millóns de euros, son o saneamento de Tenorio e a ampliación da residencia de Cerdedo, ambas impulsadas pola Xunta; e o novo edificio social de Tenorio e a rehabilitación dos Baños do San Xusto, realizadas polo Concello.
En todos os casos, sinalan desde o goberno municipal, estableceuse un exhaustivo protocolo sanitario con medidas de seguridade, distancia, saúde laboral e hixiene para poder recuperar a actividade sen risco para os traballadores destas obras.
Coa súa posta en marcha, preténdese tentar paliar o atraso, de algo máis dun mes, acumulado pola grave crise sanitaria do coronavirus.
Ademais destas catro obras, o Concello aínda ten pendente a reanudación doutras dúas, que se corresponden coa rehabilitación do histórico Camiño do Quinteiro, na parroquia cerdedense de Tomonde, e coa segunda fase do Centro de Recuperación de Fauna Salvaxe de Carballedo, que permitirá rematar este complexo de atención animal.
O alcalde de Cerdedo-Cotobade, Jorge Cubela, valorou positivamente a recuperación destas obras, xa que permiten manter "certa actividade económica" e paliar deste xeito os fortes efectos socioeconómicos que está a xerar a pandemia do coronavirus.
Relacionadas:
-
A ampliación do centro de recuperación de fauna silvestre estará feita a final de ano
Por Redacción |
-
As obras exteriores da nova residencia de Cerdedo terminarán en xullo
Por Redacción |
-
Retoman a obra do centro sociocultural de Tenorio coa instalación da estrutura xeral
Por Redacción |
-
O estado de alarma non freou a nova residencia de Cerdedo, que estará terminada no outono
Por Redacción |
-
Volta ao choio nas obras para a mellora viaria do Camiño do Quinteiro
Por Redacción |
-
O BNG de Cerdedo-Cotobade presenta un plan de reactivación económica
Por Oskar Viéitez |
-
Jorge Cubela acusa a Andrés Díaz de "persoa destrutiva" por denunciar as obras dos Baños de San Xusto
Por Redacción |
-
Cerdedo-Cotobade celebra a primeira Xunta de Voceiros telemática co apoio da oposición ao labor municipal
Por Redacción |
-
Cerdedo-Cotobade impulsa unha Central de Compras para adquirir formigón e materiais de obra e eléctricos
Por Redacción |
-
A senda peonil de Tenorio estará en construción neste mesmo ano
Por Redacción |
-
Comezan as obras que converterán os Baños do San Xusto en balneario con pozas públicas
Por Redacción |