As Marismas de Alba presentan xa unha renovada rede de sendas peonís
Por Redacción
Tras o parón obrigado polas medidas establecidas durante o estado de alarma, o espazo natural das Marismas de Alba xa dispón dunha renovación da rede de sendas peonís que poderán ser transitadas por viandantes e deportistas unha vez que se vaia aliviando o confinamento obrigado pola pandemia do COVID19.
A Concellería de Desenvolvemento Sostible e Medio Natural concluíu o proxecto previsto de rexeneración dun tramo de 500 metros entre o Paseo da Xunqueira e a rúa da Gándara. A actuación foi executada pola empresa Construciones EC Casas contando cun investimento de algo máis de 12.000 euros.
Os espazos renovados están entre un das pontes que atravesa o río da Gándara - á altura da peaxe da AP-9 e a pasarela do Camiño Portugués a Santiago. Os dous tramos nos que se actuou, duns 250 metros, estaban moi deteriorados polas fortes choivas do pasado novembro e por unhas obras na zona con maquinaria pesada.
Durante a actuación de mellora levantouse a capa superior das sendas anteriores e aplicouse unha achega de xiable para asentar o firme. O concelleiro delegado de Desenvolvemento Sostible, o socialista Iván Puentes, que supervisou a obra, sinala que "o resultado é óptimo e os camiños esperan en perfectas condicións a que veñan tempos mellores para ser estreados. Tanto o Servizo de Medio Ambiente como o de Parques e Xardíns seguen poñendo a punto estes fermosos espazos naturais, parques e zonas de xogo de Pontevedra, que moi pronto volveremos ocupar, gozando deles como nunca".
Relacionadas:
-
Haberá sinalización con paneis informativos na Xunqueira de Alba e nos Gafos
Por Redacción |
-
Monte Porreiro, A Parda, Os Gafos e O Peirao, seguintes paradas na posta a punto de parques e xardíns
Por Redacción |
-
Aplican un novo tratamento contra o picudo vermello nas palmeiras da cidade
Por Redacción |
-
Parques e Xardíns prevé que as zonas verdes poidan estar como antes do confinamento no prazo de dúas semanas
Por Redacción |
-
Posta a punto da praia fluvial do Lérez para os meses de verán
Por Redacción |
-
Juan Bautista Andrade estrea pasarela peonil para acceder ao aparcamento de Pasarón
Por Redacción |
-
Un agasallo para cando os nenos da rúa Médico Ballina rematen o confinamento
Por Oskar Viéitez |