Medio milleiro de pontevedreses reciben alimentos na porta das súas casas
Por Redacción
O programa municipal Porta a Porta reparte caixas de alimentos a 169 familias vulnerables durante a crise sanitaria. Promovido pola concellería de Benestar Social e en colaboración co servizo de Deportes e o Banco de Alimentos, a iniciativa axuda a un total de 564 persoas e está a servir tamén para avivar a actividade de diversas asociacións locais que permanecían pechadas por temor ao Covid-19.
Ademais do abastecemento de alimentos, o departamento que dirixe Paloma Castro ocúpase tamén de dotar de equipos de protección individual aos voluntarios e da divulgación de información para previr contaxios. Así mesmo, mozos de Protección Civil colaboran agora con estas entidades para facer posible a entrega destes bens.
"Estas asociacións supoñen para nós unha sorte de ucis sociais estratéxicas. Máis de 1.000 familias de Pontevedra dependen delas en maior ou menor medida para distintos servizos, se se tivese que pechar por mor dalgún caso positivo un comedor social ou algunha desas organizacións, teriamos un problema semellante ao que se produciría pechando unha UCI hospitalaria, falando en termos sanitarios”, explica a edila socialista.
A posta en marcha desta iniciativa non sería posible sen a colaboración dos traballadores de Benestar Social ou do Servizo de Deportes, así como sen a solidariedade demostrada por moitas empresas ou institucións locais como o Banco de Alimentos, a Federación Galega de Balonmán ou a cadea de barberías Carlos Conde.
Con todo, o Concello tivo que dar de baixa a 46 familias beneficiarias deste programa por fraude, por non responder no seu domicilio ou por recibir alimentos e outros bens de dous ou máis sitios á vez, explican desde o Concello.
Relacionadas:
-
Recollida solidaria a favor dos bancos de alimentos nos supermercados Gadis
Por Redacción |
-
O Banco de Alimentos, unha rede que sostén a 2.850 pontevedreses en plena crise do coronavirus
Por Natalia Puga & Mónica Patxot |
-
Preocupación entre as entidades sociais de Pontevedra polo aumento da demanda de alimentos
Por Oskar Viéitez |
-
Protección Civil recibe a visita do alcalde para agradecerlle o seu labor cos máis vulnerables
Por Redacción |
-
Os psicólogos do Concello de Pontevedra fan un seguimento a 2.000 maiores que viven sós
Por Redacción |
-
O Banco de Alimentos recibe tres toneladas de alimentos da Coordinadora de Peñas Taurinas
Por Marisa Ciordia |
-
Reforzan a Unidade de Drogodependencias coa adquisición de material por 7.000 euros
Por Redacción |
-
O comedor de San Francisco amplía os días de servizo ante o aumento de usuarios
Por Almu Dapena | Creada e actualizada
-
Meniños e Secretariado Xitano colaboran co Concello para asegurar o acceso á educación das familias máis vulnerables
Por Redacción |