A Xunta distribúe 550 libros nos hospitais públicos da área sanitaria
Por Oskar Viéitez
Co gallo do Día do Libro, a Xunta de Galicia distribúe en 14 hospitais públicos un total de 4.000 libros procedentes das adquisicións da Consellería de Cultura e Turismo a editoras para o seu agasallo xeral e uso nas aulas hospitalarias. Na área sanitaria de Pontevedra foron 200 libros entre os hospitais Provincial e Montecelo e no Hospital Público do Salnés foron 350 libros.
A través desta iniciativa o Goberno autonómico pretende visibilizar o importante papel que a industria do libro galego desempeña dentro da sociedade, recoñecer o papel dos autores e fornecer dunha opción de lecer cultural, relaxación e entretemento a aqueles pacientes que pola súa enfermidade estean en disposición e desexen ler, aos seus acompañantes e ao persoal do SERGAS.
A remesa está configurada de xeito maioritario por obras de literatura infantil e xuvenil en galego, e inclúe unha compilación de títulos para aproximarse ao patrimonio cultural e, especificamente, ao Camiño de Santiago, con volumes como "A peregrina gastrónoma", escrita por María Canosa; pero, no seu conxunto procura cubrir a diversidade de gustos e temáticas lectoras, incluíndose títulos clásicos, obras arredor do persoeiro ao que se lle dedica este ano o Día das Letras Galegas, Ricardo Carvalho Calero, ou monografías de sabios do país como "Astronomía. A ollo ceibe" de Ramón María Aller.
Relacionadas:
-
O Concello inviste 20.000 euros en librerías pontevedresas para difundir a obra de Carvalho Calero
Por Redacción |
-
160 expresións e refráns para homenaxear a Ricardo Carvalho Calero
Por Redacción |
-
Comeza unha homenaxe a Carvalho Calero a cargo do departamento de Lingua da Deputación
Por Redacción |
-
Préstamo a domicilio de libros no concello de Moraña
Por Redacción |
-
VÍDEO.- O confinamento non impide aos colexios celebrar o Día do Libro
Por Redacción |
-
"Afundación en casa" celebra o día do Libro cunha morea de actividades
Por Oskar Viéitez |
-
#ganasdelibrarias, campaña virtual para apoiar aos libreiros de Pontevedra
Por Redacción |