Moraña comeza a repartición de máscaras para os menores de once anos
Por Redacción
O Concello de Moraña puxo en marcha dúas inicitivas que teñen como principais beneficiarios a poboación menor de idade do municipio. Por unha banda, e cuns destinatarios máis reducidos, a instalación de equipos informáticos e conexión a internet nas vivendas de 25 familias sen recursos co obxectivo de que estes menores poidan seguir telemáticamente o curso escolar.
Son voluntarios de Protección Civil quen está realizando ditas instalacións. Os computadores foron facilitados polo CPI Santa Lucía, mentres que con fondos municipais sufragaranse as conexións a internet durante dous meses. Ditas conexións espérase telas concluílas para o vindeiro martes.
Doutra parte, tamén empezou a repartición de máscaras adaptadas aos nenos de maneira que poidan saír máis protexidos aos paseos que poderán realizar desde o vindeiro domingo. Distribúense ata 420 unidades para menores ata once anos e que corresponden co número de censados en Moraña.
Aínda que a medida aprobada polo Goberno permite a saída ata os 14 anos, considérase que a partir de doce anos xa poden utilizar as máscaras que se repartiron polos domicilios estes días previos.
Para a repartición séguese o mesmo procedemento: buzoneo. Desde o Concello sinálase que se houbese algún problema contáctese co número de teléfono 986 553005. Á marxe destas cuestións, o Concello tamén prosegue cos traballos de desinfección no centro urbano de Santa Lucía.
Relacionadas:
-
Moraña amplía os traballos de desinfección
Por Redacción |
-
1.500 pantallas protectoras para repartir entre os comercios e veciños de Moraña
Por Redacción |
-
As farmacias de Pontevedra informan dos novos prezos das máscaras e xeles
Por Redacción |
-
Bueu alerta das medidas a adoptar a partir do domingo nas saídas de menores de 14 anos
Por Redacción |
-
Préstamo a domicilio de libros no concello de Moraña
Por Redacción |
-
Os nenos de Moraña reciben o diploma da cuarentena
Por Redacción |
-
Moraña merca máscaras reutilizables para a veciñanza
Por Oskar Viéitez |