Os nenos de Marín ademais de dar un paseo poderán recibir un diploma o vindeiro domingo
Por Redacción
Este próximo domingo, data en que as medidas do Goberno central autorizan durante o período do estado de alarma a que os menores ata 14 anos de idade poidan saír a dar un paseo, os nenos de Marín poderanse levar outra alegría engadida.
O Concello sinala que os máis pequenos están a demostrar a súa capacidade para resistir metidos en casa e para practicar as medidas de prevención que se fixeron necesarias para facer fronte ao coronavirus; a pesar de que para moitos deles non é sinxelo comprender a situación que se vive desde mediados do pasado marzo.
Por este motivo, o Concello de Marín quere premiar a responsabilidade que están a demostrar facéndolles entrega dun diploma acreditativo da súa loita contra a pandemia. Serán os axentes da Policía Local que estean a realizar as súas funcións de control e vixilancia os encargados de entregalos.
Desde a Policía Local agradecen a súa colaboración, trasládanlles ánimos para afrontar as novas etapas que irán chegando e tamén lles fai unha advertencia para recibir os seus diplomas: "teñen que cumprir con todas as medidas asociadas aos paseos" que poderán comezar a dar este próximo domingo e que os adultos deberán coñecer igualmente.
Relacionadas:
-
Mulleres en Igualdade de Poio e a Garda Civil, premian aos nenos cun diploma polo seu bo comportamento
Por Redacción |
-
Marín prepara os seus parques infantís para cando comece o desconfinamento
Por Redacción |
-
Unha hora ao día de paseo para menores de 14 anos a partir do domingo, pero nada de parques
Por Manu Otero |
-
María Ramallo agarda retomar en maio a actividade política do Concello de Marín
Por Oskar Viéitez |
-
VÍDEO - A emocionada reacción dun cativo marinense ao recibir os deberes do cole
Por Redacción |