O parque infantil da Rúa dos Soutos estrea a súa renovada imaxe
Por Redacción
O servizo municipal de Parques e Xardíns segue a aproveitar que todos os parques infantís están pechados pola pandemia do coronavirus para seguir avanzando nos traballos de reparación. O último en ser renovado foi o situado na Rúa dos Soutos.
Nesta actuación investíronse 1.800 euros que permitiron a substitución completa de varios postes deteriorados en bambáns, a reparación do valado perimetral, o pintado de pezas, a substitución de parafusos en mal estado e o arranxo do céspede artificial, que incluíu a limpeza e o seu peiteado mecánico.
Ademais, tamén se fixo unha achega de area de seixo para restaurar o pavimento e mellorar así a súa capacidade de amortiguación.
A finalidade destes traballos é que as instalacións de xogos estean en perfectas condicións cando se levanten as restricións do estado de alarma.
Relacionadas:
-
Monte Porreiro, A Parda, Os Gafos e O Peirao, seguintes paradas na posta a punto de parques e xardíns
Por Redacción |
-
Juan Bautista Andrade estrea pasarela peonil para acceder ao aparcamento de Pasarón
Por Redacción |
-
Un agasallo para cando os nenos da rúa Médico Ballina rematen o confinamento
Por Oskar Viéitez |
-
Aproveitan a corentena para arranxar os parques infantís de Campolongo, Pasarón e Maruja Mallo
Por Oskar Viéitez |