A Escola de Cantería xa está máis preto de conseguir a homologación dos seus estudos
Por Redacción
A Escola de Cantería xa está máis preto de conseguir a reclamada homologación dos seus estudos. A Deputación de Pontevedra concluíu as obras de adaptación cumprindo coa normativa de accesibilidade, contaminación acústica, protección contra incendios, seguridade, condicións hixiénicas e de habitabilidade, así como prevención de riscos laborais.
A actuación realizada contou cun investimento de 440.000 euros. Con este proxecto terminado xa pode obter definitivamente a licenza municipal de actividade por parte do Concello de Poio, onde está situada.
O proxecto conlevou unha completa reforma interior para garantir o illamento acústico; tamén se mellorou a accesibilidade con novas prazas de aparcamento para persoas con diversidade funcional, adaptación dun aseo e un vestiario; habilitouse unha vía peonil accesible, substituíronse ramplas interiores, así como outro mobiliario interior.
Outra parte das obras correspondeu á instalación eléctrica, así como diversas medidas de protección contra incendios con materiais específicos, espazos de evacuación, substitución de detectores ou instalación doutros sistemas de alarma e sinalizacións novos.
Os estudantes da Escola de Cantería tampouco son alleos ás circunstancias ás que obriga o estado de alarma, de forma que continúan coas clases teóricas de forma telemática. Seguindo as recomendacións do Goberno, cara ao mes de xullo, o alumnado que queira, poderá asistir a clases de reforzo, tanto en taller como en materias teórico-prácticas. Ademais xa se tramitou o segundo prazo de bolsas para alumnos.
Relacionadas:
-
O PP reclama en Madrid que se recoñeza a formación da Escola de Cantería de Poio
Por Redacción |
-
A Escola de Cantería consegue a acreditación como centro de formación para a expedición de certificados de profesionalidade
Por Redacción |
-
Estritas medidas de seguridade e instalacións reformadas no inicio do curso da Escola de Cantería
Por Redacción |
-
A Escola de Cantería ultima os preparativos do novo curso
Por Redacción |
-
A poboación infantil de Poio recibe estes días os seus diplomas de cidadáns exemplares
Por Redacción |
-
A Asociación Canteiros de Poio estuda denunciar á Deputación por competencia desleal
Por Oskar Viéitez |
-
O PP reclamará á Deputación que inste ao Goberno central a homologar os estudos da Escola de Cantería
Por Redacción | Creada e actualizada
-
O PSOE lembra ao PP que a Xunta debe asumir a titularidade da Escola de Cantería de Poio
Por Redacción |