O Concello establece a opción de solicitar contrasinal para trámites por vía telefónica
Por Redacción
Ante a situación que se prolonga do estado de alarma e as dificultades para que a cidadanía se poida achegar ata as oficinas municipais para realizar xestións, o Concello anunciou que se amplían as posibilidades de identificación, no caso de persoas físicas, ao ofrecer a opción de solicitar o contrasinal por vía telefónica.
Desta forma pódense realizar trámites na sede electrónica e substitúese a necesidade de identificación presencial por un cuestionario con datos que manexa a administración e o administrado para acreditar a identidade da persoa solicitante.
Para solicitar este contrasinal é preciso chamar ao número 986.100.185 e solicitar o servizo de obtención de contrasinal para presentación electrónica e posteriormente daránselle as instrucións para a súa obtención.
A administración municipal contactará coa persoa interesada, mediante unha chamada telefónica que será gravada e realizaráselle un cuestionario sobre información coñecida por ambas as partes. Unha vez superada esta fase procederase á expedición do contrasinal.
Con esta medida, o goberno local atende ás medidas que permiten a conciliación da seguridade e saúde da cidadanía e do persoal que exerce funcións públicas coa prestación de servizos públicos, eliminando os trámites presenciais.
Relacionadas:
-
Ninguén pagará ningún imposto, taxa ou prezo público, segundo Lores, durante o estado de alarma
Por Alejandro Espiño |
-
O PP pedirá no pleno que os afectados pola crise sanitaria non paguen impostos e taxas
Por Redacción |
-
Moratoria para o cobro dos recibos de auga e lixo, venda ambulante e veladores
Por Redacción |