Comercios, hoteis e bares con terraza abrirán o 11 de maio; restaurantes, a finais de mes
Por Alejandro Espiño
A desescalada deseñada polo Goberno para ir abandonando progresivamente o confinamento terá unha proba de lume o 11 de maio. É a data prevista para que gran parte do sector servizos retome a súa actividade, aínda que con certas limitacións.
Nesa data, coincidindo co inicio da fase un desta desescalada, o executivo central autorizará a reapertura do pequeno comercio. Iso si, adoptando medidas para limitar o aforo e manter a distancia de seguridade entre os clientes.
Pola contra, os grandes centros comerciais non poderán abrir aínda. Pedro Sánchez explicou que se trata de núcleos de actividade que atraen a numerosas persoas e poderíanse disparar os desprazamentos non desexados.
Os hoteis e establecementos turísticos, se así o desexan, tamén poderán reabrir o 11 de maio. De ser así, non poderán permitir que os seus clientes fagan uso das zonas comúns.
Outro gran sector de actividade, a restauración, comezará a traballar de maneira progresiva. A partir do 4 de maio, os restaurantes poderán cociñar para persoas que acudan a buscar a comida, pero non poderán sentalos ás mesas.
Unha semana despois, o día 11, será o día no que poidan abrir de novo os bares e cafeterías, sempre que dispoñan de terraza que, ademais, terá un aforo limitado a un 30% da súa capacidade.
Non será ata a fase dúas, prevista para o 25 de maio, cando se autorice o uso dos espazos interiores dos bares e se reabran os restaurantes ao público. En ambos os casos, tamén se limitará o aforo e haberá separación entre os clientes.
A partir do luns 4, por último, tamén estará permitida a apertura de establecementos comerciais que, con cita previa, poidan atender a clientes de maneira individual. Entrarían nesta categoría, entre outros, barberías, servizos de estética ou clínicas de fisioterapia.
Relacionadas:
-
Pontevedra, autorizada por Sanidade a pasar á fase 1 da desescalada
Por Diego Espiño |
-
Atención individual, desinfección dúas veces ao día e horario preferente para maiores de 65: así abrirán os locais este luns
Por Natalia Puga |
-
Vilagarcía permitirá ampliar as terrazas hostaleiras
Por Oskar Viéitez |
-
Sanxenxo permitirá aos bares ampliar o espazo das súas terrazas
Por Redacción |
-
Feijóo "non avala" o plan de desescalada do Goberno e critica que se fixo "de costas" a Galicia
Por Natalia Puga |
-
Velorios e vodas poderán celebrarse, con certas restriccións, a partir de mediados de maio
Por Alejandro Espiño |
-
A reapertura dos ximnasios será progresiva, cun tercio do aforo e sen vestiarios
Por Alejandro Espiño |
-
Negocios con cita previa, como salóns de peiteado ou fisioterapeutas, poderán abrir a partir do luns
Por Alejandro Espiño |
-
O lecer nocturno, pubs e discotecas, entre os últimos en retomar a súa actividade
Por Alejandro Espiño |
-
Non haberá baños na praia, como mínimo, ata mediados de xuño
Por Alejandro Espiño |
-
As visitas a casa de familiares e amigos, se viven na mesma provincia, serán posibles desde o 11 de maio
Por Alejandro Espiño |
-
As librarías e os museos, os primeiros en abrir no sector cultural; cines e teatros terán que esperar
Por Alejandro Espiño |
-
Non haberá clases presenciais ata setembro e os colexios só abrirán "como excepción"
Por Alejandro Espiño |
-
Sánchez sitúa a "nova normalidade" a finais de xuño tras unha desescalada en catro fases
Por Alejandro Espiño |
-
O Goberno autorizará paseos e saír a facer deporte a partir do 2 de maio se se contén a pandemia
Por Natalia Puga | Creada e actualizada