Na fase 0 da desescalada, como denomina o Goberno á progresiva reactivación da actividade durante o estado de alarma, sectores vinculados a saúde e estética serán quen a partir do luns 4 de maio abran establecementos e consultas, sempre con cita previa. Como se preparan para esa data e cales terán máis demanda? Chequeamos algúns deles.

A perruquería Chus Valiñas pechaba o 14 de marzo e presentaba un ERTE que afectou a dúas empregadas. Para a reapertura adáptase con medios para seguridade de persoal e clientes. Instalaron mamparas en recepción, onde teñen ordenador e datáfonos e no lavacabezas. "Como todo isto foi tan rápido, non dá tempo a que as fábricas nos fagan todo rápido para o luns", explica Valiñas.

Engade que "as medidas de protección básicas témolas: batas, luvas e máscaras desechables; caixas individuais para que a persoa deixe os seus efectos persoais, toallas desechables e xel desinfectante para que cando se levanten do asento límpese e poida sentar a seguinte persoa". A capacidade dentro do salón limitarase a catro ou tres persoas, seguramente.

 "Os prezos non soben, pero as ofertas de luns a xoves, hai que retiralas por agora". A demanda non falta, "calculo que a primeira semana imos ter completa" e aínda que en seguintes fases de desescalada non se requira, para mellor atención de clientes manterán a cita previa. Ninguén lle manifestou temor por acudir á perruquería.

Diversos centros estéticos contactados mantéñense á espera da evolución da conxuntura e de maior concrección de medidas para retomar a actividade, polo que non abrirán o vindeiro luns.

E as barberías tamén son establecementos reclamados pola poboación masculina "hai máis que habitualmente, pero en boa medida porque agora si ou si hai que reservar", conta Natalíe, propietaria de Parazzi Barber Shop, "sobre todo a primeira semana témola completa". Durante o confinamento hai quen optou por afeitala e outros por deixala crecer, pero "o que si fixeron é pasarse a maquinilla, así que imos ter que arranxar moitas desfeitas", engade.

No seu caso, limitarase a unha persoa dentro do local, e seguirase un protocolo que comezará coa desinfección do calzado, mans, lavado de cabeza e barba "cuxa higienización é moi importante". A máscara nos clientes polo desempeño do seu traballo non será viable en moitos casos; así que se protexerán con pantallas, non así luvas "porque interfere para traballar adecuadamente". De igual maneira se desinfectan utensilios e todo aquilo que usase cada cliente.

Profesionais vinculados á saúde

A finais de marzo os Colexios de fisioterapeutas, podólogos, ópticos-optometristas, nutricionistas e dietistas, logopedas e terapeutas ocupacionais uníanse recalamando ao Goberno reconsiderar determinados termos do estado de alarma que estimaban prexudiciais. Así, reclamaron a Sanidade o peche salvo para urxencias.

Foi o caso do podólogo Jorge Posse Jueguen. O luns retoma as citas previas: "non coincidirán na sala de espera porque só haberá unha persoa na consulta", o que conlevará espaciarlas máis do habitual. Ademais de epis, como xa facía previamente "o material se esteriliza, é funxible e desechable e a cadeira de brazos e demais mobiliario se desinfecta tamén". No seu caso, a consulta que abre polas tardes: "para o luns téñoa case ocupada, martes e mércores hai algunha cita tamén. Supoño que a medida que a xente saiba que está aberto irá chamando".

Os fisioterapeutas poden retomar a súa actividade, non exentos de incertezas. En Clínica Fisionova as súas dúas socias solicitaron cesamento de actividade e presentaron ERTE para cinco persoas. "Se o luns temos as directrices claras e dispoñemos dos epis, abrimos", avanza Cristina Casanova Jiménez. Incerto saber se o número de clientes será superior ou non. "Están a preguntarnos se abrimos o luns e a nosa resposta é esa: á espera de que nos concreten e dispoñer das medidas de protección".

Afirma sentirse segura para volver ao traballo "Hai un protocolo que pasa por poñerse unhas calzas encima dos zapatos, facilítase xel hidroalcohólico para lavar as mans e na cabina seguirán coa máscara mentres estean boca arriba. Ao terminar, o material desechable tírase e se desinfecta todo, como o datáfono despois do pago". Tamén terán que espaciar citas. O que matenrán suspendidas por agora son as actividades de grupo que ofrecen, como pilates, que supón unha porcentaxe para considerar na súa facturación.