Chancelas estrea o novo paso de peóns con semáforo de pulsador
Por Oskar Viéitez
O delegado territorial da Xunta en Pontevedra, José Manuel Cores Tourís, anunciou este xoves a conclusión dos traballos de instalación dun novo paso de peóns con semáforo na estrada autonómica PO-308 en Chancelas.
Esta actuación, executada pola Consellería de Infraestruturas e Mobilidade contou cun importe de case 38.000 euros e tivo como obxectivo "dar resposta a unha demanda dos veciños desta zona, que solicitaron medidas que lles faciliten os cruzamentos en condicións de seguridade", explicou Tourís.
Neste sentido, segundo matizou o delegado territorial, a Axencia Galega de Infraestruturas avaliou varias alternativas e determinaron acometer a que permite garantir en mellores condicións a seguridade dos usuarios.
Trátase da instalación dun semáforo con pulsador detrás da parada de autobús para que os cruzamentos se fagan con seguridade e na habilitación dun pequeno refuxio para situar o semáforo e para a espera dos cidadáns.
Esta actuación complementarase posteriormente coas obras de mellora de seguridade viaria recollidas no proxecto de senda entre Combarro, Chancelas e Samieira.
Relacionadas:
-
A Xunta lamenta a "absoluta falta de colaboración do Concello de Poio" nas obras da estrada PO-308
Por Oskar Viéitez |
-
A Xunta retoma tres actuacións de mellora da seguridade viaria en Poio
Por Redacción |
-
Comezan as obras para instalar un paso de peóns con semáforo en Chancelas
Por Boris Rodríguez Pintos |
-
Chancelas reforzará a súa seguridade peonil coa instalación dun paso de peóns con semáforo
Por Redacción |
-
A Xunta analiza cos veciños de Chancelas a instalación dun paso de peóns na PO-308
Por Oskar Viéitez |