O Centro Comarcal da Tafona de Caldas continúa coa repartición de máscaras infantís
Por Redacción
O Concello de Caldas de Reis está a repartir un lote de mil duascentas máscaras infantís, doadas pola empresa caldense Escavacións e Transportes Ivanca e que servirán para dar protección a toda a poboación menor de catorce anos do municipio.
O alcalde, Juan Manuel Rey, agradeceu esta iniciativa máxime cando "conseguir estas máscaras para poboación infantil está a resultar en xeral moi difícil".
Están a distribuírse desde o pasado sábado e pódense recoller no Centro Comaral da Tafona en horario de 09.00 a 14.00 horas. Trátase de material homologado e reutilizable. No mesmo lugar están a repartirse ademais máscaras para aqueles adultos do centro urbano que non residan en vivendas unifamiliares, xa que nestes casos fíxose un repartición porta a porta: Así como no rural, onde a distribución terminou a semana pasada.
As máscaras para adultos son confeccionadas por voluntariado que traballa desde hai semanas neste obxectivo con material que procede tamén de doazóns, como a da Farmacia Muíños; ou ben adquirido polo Concello. En todos os casos, desde o Concello séguese agradecendo o traballo e achegas recibidas.
Relacionadas:
-
Recoñecemento institucional en Caldas ás costureiras voluntarias que elaboraron máscaras para os seus veciños
Por Redacción |
-
Regresa a Caldas de Reis o mercado dos luns para a venda de produtos agrícolas
Por Redacción |
-
'Caldas, Cultura Quente' ofrecerá un programa lúdico e cultural adaptado ás limitacións da pandemia
Por Redacción |
-
Caldas suspende a taxa de terrazas e potenciará o turismo interior para reactivar a economía local
Por Redacción |
-
Caldas entregou 5.000 máscaras no rural e o luns empezará a repartición no centro urbano
Por Redacción |
-
Caldas arromba as súas zonas verdes ante a autorización de posibles saídas
Por Redacción |
-
VÍDEO.- Escolares de Caldas adaptan o "All together now" de Los Beatles ao coronavirus
Por Redacción |