Marín reforma a cuberta e a contorna do lavadoiro do río de Casás
Por Redacción
O Concello de Marín ten en marcha o proxecto de substitución da cuberta do lavadoiro do río de Casás. É unha actuación que engloba o acondicionamento da súa contorna, o regato do núcleo, varios camiños e peches de parcelas privadas que están dedicadas a cultivos hortofrutícolas.
O cambio da cuberta vén motivado polo impacto visual e polo mal estado de conservación no que se atopaba. Tanto o lavadoiro como a fonte, seguen sendo moi utilizados pola veciñanza na actualidade, polo que era preciso tamén abordar os problemas de estanquidad que presentaba.
A nova cuberta terá un chan plano inclinado e estará composta por materiais tradicionais como madeira e granito. No que respecta ao pavimento, conservarase o lousado de pedra orixinal e utilizarase lastra de granito silvestre para a plataforma que une o viario e o lavadoiro.
Así mesmo colocarase un banco xunto á árbore existente e mellorarase a iluminación pública para dotar de maior seguridade ao espazo nos momentos de escuridade.
O proxecto, que forma parte do Plan Concellos 2018-2019, está a ser executado pola empresa Irmáns Iglesias, Deseños e Construcións SL, por un importe total de 38.725,42 euros e ten un prazo de execución de 2 meses.
Relacionadas:
-
Marín espera concluír a humanización de Concepción Arenal este mes de maio
Por Redacción |
-
A Deputación inxecta 1,7 millóns de euros ao Plan Concellos para variados proxectos municipais
Por Redacción |
-
Remata a mellora de camiños en Santomé e Ardán
Por Redacción |
-
Marín recibe medio millón de euros da Deputación para humanizar o Camiño Vello de Seixo
Por Redacción |
-
Marín adxudica a futura humanización da Avenida de Ourense
Por Redacción |