O campo de fútbol de Campañó, finalista nos Premios FAD de Arquitectura e Interiorismo
Por Alejandro Espiño
Un proxecto pontevedrés, o campo de fútbol de Campañó, foi seleccionado como finalista nos prestixiosos Premios FAD de Arquitectura e Interiorismo.
En concreto, esta instalación deportiva é unha das once candidaturas que optan ao premio na categoría de Arquitectura, que se fallará nunha gala que se celebrará en Barcelona.
Segundo o xurado, todos os nomeados son proxectos atentos ao contexto, á estratexia e ao oficio, en diálogo co espazo, o tempo, a materia, o corpo e a natureza e son exemplos dunha arquitectura cun espírito propositivo e xeradora de sistemas máis que de obxectos.
No caso do campo de Campañó, o xurado destaca que a partir dun condicionante técnico como a separación dunha liña de alta tensión, "exponse un bo control formal dos volumes", atento aos percorridos de aproximación aos edificios e a súa localización.
Consideran que a quinta fachada -as cubertas- é fundamental xa que é a visión básica desde un acceso elevado.
Ademais, sinalan que a austeridade material e construtiva contribúe á rotundidade da peza arquitectónica e á dignificación dun programa, o das instalacións deportivas, que habitualmente "concede poucas oportunidades á boa arquitectura".
O campo de fútbol de Campañó, promovido polo Concello de Pontevedra, é obra dos arquitectos José Jorge Santos Ogando, José Carlos Mera Rodríguez e Gustavo Pérez Alvarez
Creados en 1958, os Premios FAD son os galardóns máis lonxevos de Europa no ámbito da arquitectura e o interiorismo e un dos máis prestixiosos da península Ibérica.
Relacionadas:
-
Estudan dotar de herba sintética o campo de fútbol do CEIP Xunqueira 2 e a renovación integral do seu pavillón
Por Diego Espiño |
-
Recepción aos arquitectos Santos & Mera tralo seu premio internacional polo campo de fútbol de Campañó
Por Mónica Patxot & María José Pita |
-
Os arquitectos colaborarán co Concello para axilizar as licenzas urbanísticas
Por Alejandro Espiño |
-
Os clubes comezan a utilizar o novo campo de fútbol de Santa María de Xeve
Por Redacción |
-
As obras de remodelación integral do campo de fútbol de Campañó, en marcha
Por Diego Espiño |