O desdobramento de Beiramar farase en dúas fases para que as obras non afecten o turismo en xullo e agosto
Por Redacción
A adxudicación definitiva das obras de desdobramento da Avenida de Beiramar no Grove realizábase este venres a través da mesa de contratación municipal. Este proxecto queda agora pendente de informes municipais que se resolverán de inmediato, segundo o goberno local, para que en 10 días a empresa adxudicataria presente o aval e asine o contrato.
Desta forma, o goberno de Jose Cacabelos espera que as obras comecen de inmediato para afrontar a primeira fase, que se iniciará na Estación de autobuses e chegará ata a Fonte dos Cabalos. Será un tramo complexo porque está prevista a ampliación de dous carrís, ademais de renovarse a rede de sumidoiros. O Concello recoñece que a actual tubaxe ofrece un estado lamentable e presenta continuas roturas.
O proxecto contempla a ampliación a catro metros de acéiraa fronte ao Paseo marítimo. Esta decisión, segundo espera Cacabelos, converterase nun elemento fundamental para fortalecer a actividade comercial e hostaleira nesa rúa.
As obras desta primeira fase finalizarán a principios de xullo e iso permitirá para as obras durante os meses de máis actividade turística do verán. Os traballos retomaranse en setembro cando se acometa a segunda fase, entre a Fonte dos Cabalos e o cruzamento coa Rúa Castelao. Neste caso, o proxecto é máis sinxelo. Vai acometerse o recorte de 3 metros de ancho do paseo para manter as zonas de aparcamento e melloraranse as beirarrúas do outro lado, establecendo dous carrís de tráfico en todo o tramo.
Relacionadas:
-
O Grove transforma a súa fachada litoral co esperado desdobramento da avenida de Beiramar
Por Oskar Viéitez |
-
O Grove terá dobre sentido de circulación en Beiramar antes de final de ano
Por Redacción |
-
O Grove retoma as obras para o desdobramiento da avenida de Beiramar
Por Redacción |
-
O Grove instalará unha tubaxe aérea para asegurar a subministración de auga a Beiramar durante o verán
Por Redacción |
-
Rozan a estrada entre O Grove e San Vicente para preparala para o verán
Por Redacción |
-
O Grove adquire ordenadores portátiles para ceder a estudantes de familias sen recursos
Por Oskar Viéitez |
-
O Grove, unha vila "irrecoñecible positivamente" para a presidenta da Deputación
Por Redacción |