Barro reparte material de protección entre os comercios que reabriron
Por Redacción
Xel hidroalcólico, máscaras desbotables e reutilizables, pantallas de protección e carteis informativos. É parte do material de protección contra o coronavirus que repartiu o Concello de Barro entre os comercios que reabriron dentro da fase de desescalada.
Este reparto tamén se fixo hai unha semana cos negocios que xa retomaron a súa actividade.
De cara a este regreso dos cidadáns ás rúas, o goberno municipal manterá este martes unha xuntanza con todo o sector da hostalería para informarlles das iniciativas municipais de apoio e para escoitar as súas propostas para dinamizar a economía local.
Os hostaleiros están citados en grupos de menos de dez persoas e en tres horarios distintos, cumprindo así coas normas marcadas polo Ministerio de Sanidade para poder celebrar este tipo de reunións con todas as garantías sanitarias.
Relacionadas:
-
Barro lanza unha campaña en redes sociais para promover o comercio local
Por Redacción |
-
Barro informa ao sector da hostalería e do comercio local das liñas de apoio
Por Redacción |
-
Barro fai oficial a suspensión da Festa do Viño pola pandemia do coronavirus
Por Manu Otero |
-
O PP de Barro pide un pleno extraordinario e propón eliminar as taxas municipais á hostalaría e o comercio
Por Redacción |