A Deputación instala os primeiros centros de compostaxe do Plan Revitaliza en Marín
Por Redacción
O Plan Revitaliza da Deputación segue avanzando e nesta semana o Concello de Marín dispoñerá dos dous primeiros centros de compostaxe comunitarios situados en Sequelo e na Cañota. Con todo, a súa posta en marcha terá que esperar a que as circunstancias motivadas pola pandemia do coronavirus permitan ofrecen as charlas informativas ás persoas interesadas en participar nesta iniciativa.
Estes centros de compostaxe de lixo orgánico darán servizo ás persoas que vivan a menos de 150 metros do mesmo ou que participen da horta urbana de Sequelo. Aínda que a súa utilidade non é posible aínda, si se poden inscribir na Concellería de Medio Ambiente do Marín ou no Plan Revitaliza da Deputación, de forma que se lles irá informando sobre a posta en marcha.
O obxectivo destes centros de compostaxe comunitaria é tratar os biorresiduos no mesmo lugar en que se producen. Isto evita que leven ao contedor verde tradicional e tras a súa recollida sexan trasladados a Sogama para incineralos. Os composteiros son atendidos por persoal técnico do Plan Revitaliza para garantir o seu correcto funcionamento e a obtención de compost de boa calidade.
Así este persoal supervisa que quen participa achegan os biorresiduos correctamente, así como que os procedementos e parámetros que hai que ter en conta, realízanse e atópanse debidamente durante todo o proceso. A entidade provincial lembra que durante as semanas de confinamento os centros de compostaxe existentes estiveron activos e chegáronse a duplicar as achegas de biorresiduos.
Relacionadas:
-
Mostras de compost gratis para os veciños de O Sequelo e A Cañota de Marín que se acheguen aos centros de compostaxe
Por Redacción |
-
Activan a compostaxe comunitaria en Marín con dúas charlas de formación
Por Redacción |
-
A Escola de Capataces de Lourizán apúntase á compostaxe coa instalación dun centro comunitario
Por Redacción |
-
A compostaxe aumentou un 28% as taxas de reciclaxe nos "Concellos Revitaliza"
Por Redacción |
-
Cuntis xa ten o seu propio centro de compostaxe comunitario
Por Redacción |
-
Meis xa conta co seu primeiro centro de compostaxe comunitaria
Por Redacción |
-
Cinco novos mestres composteiros incorpóranse a concellos das comarcas de Pontevedra e O Salnés
Por Redacción |
-
Quince novos mestres composteiros incorporaranse o 15 de maio ao traballo en catorce concellos
Por Redacción |
-
O estado de alarma duplica o tratamento de biorresiduos nos composteiros comunitarios de Pontevedra e O Morrazo
Por Redacción |