Caldas segue traballando con hostaleiros e comerciantes nun plan conxunto de protección e reactivación
Por Redacción
Representantes dos grupos políticos de Caldas, Asociación de Comerciantes e Asociación de Empresarios da Hostalería mantiveron unha reunión para traballar conxuntamente nas accións para desenvolver durante o denominado proceso de desescalada do confinamento provocado pola COVID19.
A intención é aplicar un plan conxunto de protección e seguridade, segundo o cal e como avanzaba o alcalde Juan Manuel Rey "o Concello proverá a todos os establecementos de material de prevención como xel hidroalcohólico e outros recursos, cuxa compra se centralizará para axilizar o procedemento".
Ademais de medidas de protección sanitaria, as accións pasan tamén pola promoción e neste sentido o Concello traballa na campaña 'Eu merco en Caldas' que podería incluír un programa de vales de compra ou cheques regalo para fomentar o consumo tanto no comercio como na hostalería.
Outra das propostas para incentivar o turismo de proximidade é 'Caldas, cultura quente' e a estas propostas tamén se expuxeron medidas de alivio fiscal aos negocios.
Relacionadas:
-
Regresa a Caldas de Reis o mercado dos luns para a venda de produtos agrícolas
Por Redacción |
-
'Caldas, Cultura Quente' ofrecerá un programa lúdico e cultural adaptado ás limitacións da pandemia
Por Redacción |
-
Caldas suspende a taxa de terrazas e potenciará o turismo interior para reactivar a economía local
Por Redacción |