Moldes pregúntalle ao goberno de Poio que se vai facer coas festas de San Xoán
Por Redacción
Ángel Moldes, portavoz do PP en Poio, trasladaba este xoves na Xunta de Portavoces do Concello de Poio a súa preocupación sobre que se vai a facer coas festas de San Xoán.
O representante popular sinala que queda un mes para esas datas e existe preocupación entre a cidadanía: "aprazarlas ou cambialas de data, coa incerteza que existe, non parece unha opción válida, sobre todo tendo claro que o Concello ten que ter, como máxima prioridade, velar pola seguridade sanitaria da veciñanza".
Ángel Moldes engade que a xente está a preguntar porque "ademais do valor emocional e cultural, as festas teñen un orzamento importante e se se dedice non facelas é importante saber a que se vai destinar" e lamentou que o alcalde Luciano Sobral e o resto do equipo de goberno demostrasen que carecen dun plan ou unha opinión respecto diso. "Dinnos que non saben o que van facer", apunta Moldes.
Desde o PP son partidarios de que, en caso de cancelarse, o diñeiro se destine a axudar a autónomos, pequenas e medianas empresas e aos veciños con menos recursos e aos máis afectados pola pandemia.
Relacionadas:
-
Finalmente en Poio, polo San Xoán, nin cacharela nin sardiñada que pingue no pan
Por Redacción |
-
Poio mantén as festas de San Xoán e apoia a súa reactivación económica en propostas lúdicas
Por Redacción |
-
Máscaras de protección integral facial para os taxistas de Poio
Por Redacción |
-
Os concellos da ría esperan a axuda da Xunta e a evolución do estado de alarma para preparar a tempada de praias
Por Manu Otero |
-
Poio informa o sector hostaleiro da nova normativa temporal
Por Oskar Viéitez |