Despois do estado de alarma, que mantivo as feiras paralizadas, este sábado foi un día diferente para a feira ambulante de Rafael Areses, que volveu á súa actividade "con total tranquilidade", asegurou a concelleira de Promoción Económica e Turismo, Yoya Blanco, que, xunto co tenente de alcalde, Tino Fernández, achegouse para supervisar como se desenvolveu a xornada.

Trátase dunha das poucas feiras de Galicia que abriu na súa totalidade, aínda que con aforo limitado e "total vixilancia". Colocáronse 46 dos 56 postos que podían facelo, o que supón unha ocupación practicamente total tendo en conta que o habitual adoita estar nos 43 postos.

Por iso, a edil do PSOE, quixo mostrar a súa satisfacción con esta volta á normalidade que transcorreu sen incidencias. "A xente está cumplindo as normas estritamente, tanto vos usuarios coma vos ambulantes", explicou.

Así mesmo, quixo destacar a importancia que ten o mercadillo para o tecido produtivo da cidade, xa que máis da metade dos ambulantes son pontevedreses e pontevedresas. "O mercadillo dimaniza toda a economía, hostalería e comercio dá cidade, co cal é importantísimo que a feira volva ao centro".

En canto ao traslado dos postos, a edil declarou que "en canto podamos, será levalos de entrada provisionalmente a Campolongo", ao tratarse dunha zona coñecida polos usuarios xa que se estableceu alí durante a celebración do ITU do ano anterior.

Por último, e ademais de conversar con feirantes e de controlar o cumprimento das medidas, os concelleiros pontevedreses recibiron a visita do concelleiro de Mercados de Redondela, Vicente Lamas, que estaba interesado en coñecer de primeira man os protocolos aplicados polo Concello de Pontevedra.

Pantalla completa