Sábado de terraceo con bo tempo e sen incidentes
Por Oskar Viéitez & Diego Torrado
As ganas dos pontevedreses por recuperar a normalidade reflectíase este sábado no animado ambiente das terrazas. A primeira fin de semana na Fase 1 da desescalada veu con sol e altas temperaturas. Diante deste reclamo moitos cidadáns animáronse a ocupar algún dos veladores abertos sen que lles importase que só se puidese utilizar a metade do aforo ou que o interior do local estea vedado para o uso.
A ausencia de incidentes e o respecto ás novas normas de seguridade foi a regra xeral e alí onde non se puido manter a distancia interpersoal empregáronse máscaras e mesmo luvas.
Entre os hostaleiros comentan que o inicio da actividade aínda non é rendible para moitos bares que manteñen as persianas baixadas e as mesas amontoadas esperando ata o próximo día 25, cando comece a Fase 2 e se poida utilizar o interior dos locais. Outros afirman que se animaron a abrir máis por motivos psicolóxicos que por razóns económicas.
A Policía Local estivo vixiando o cumprimento das recomendacións sanitarias aínda que os máis estritos foron os coñecidos como "policía de balcón" tomando fotografías e gravando vídeos cando crían detectar algunha irregularidade que, xeralmente coincidía cando algunhas persoas achegábanse a saudar a coñecidos sentados nas mesas.
Con todo, a imaxe durante todo día foi de establecementos cheos de clientela, veciños gozando do bo tempo e cumprimento das pautas aconselladas.
Relacionadas:
-
Doce denuncias a bares de Pontevedra por incumprir a normativa das terrazas
Por Oskar Viéitez |
-
Permitido o uso de piscinas e praias para a práctica deportiva na fase 2 de desescalada
Por Almu Dapena |
-
O PSOE pide medidas temporais para que bares sen terraza poidan instalar veladores
Por Redacción |
-
A policía será "máis contundente" na súa vixilancia sobre o cumprimento do aforo nas terrazas
Por Manu Otero |
-
Os hostaleiros alertan de terrazas masificadas e piden aos clientes que sexan responsables
Por Manu Otero |
-
Primeiro día de reapertura das terrazas: poucas abertas e cheas de xente
Por Redacción & Mónica Patxot |