Alumnado do Centro agroforestal de Lourizán colabora con Vaipolorío na mellora da contorna do Gafos
Por Anxo Lourido
Cinco estudantes do ciclo medio e do ciclo superior do Centro de Formación e Experimentación Agroforestal de Lourizán (CFEA) colaboran co voluntariado do colectivo Vaipolorío desde este luns 18 ata o 23 de xuño.
A actividade centrarase no coñecemento e a realización de traballos de mellora do Espazo Natual de Interese Local situado en toda a contorna do Gafos na cidade de Pontevedra.
Entre outras iniciativas, estes estudantes realizarán labores de roza dalgún tramo do sendeiro de seis quilómetros, unha zona que se atopa con máis maleza durante estes días debido a que as restricións provocadas polo estado de alarma impediron que os integrantes da asociación Vaipolorío puideran desenvolver estas tarefas durante os últimos meses. O colectivo retomaba durante esta fin de semana os traballos de limpeza e mantenemento do sendeiro do río dos Gafos, na contorna do muíño de Cabanas.
Os alumnos tamén estudarán a diversidade dos diferentes ecosistemas que conforman este espazo protexido. Vaipolorío encargarase de formar o alumando na xestión das ribeiras e na conservación da súa riqueza patrimonial, tanto desde o punto de vista do mantenemento da natureza como da arquitectura tradicional.
Relacionadas:
-
O Centro de investigación forestal de Lourizán traballa en 117 parcelas repartidas por toda Galicia
Por Redacción |
-
UGT alerta de que a Finca de Lourizán quedará sen vixiantes de seguridade
Por Redacción |
-
A Covid non frea a campaña anual de Vaipolorío para limpar a contorna do Gafos
Por Redacción |
-
Vaipolorío organiza unha actividade para coñecer a tradición das herbas de San Xoán
Por Redacción |
-
Denuncian a pasividade das administracións coas verteduras de fecais ao río Gafos
Por Oskar Viéitez |
-
Vaipolorío retoma a limpeza dos Gafos
Por Oskar Viéitez |
-
Vaipolorío denuncia unha vertedura incontrolada de residuos entre Salcedo e Tomeza
Por Redacción |
-
Vaipolorío limpa as ramaxes atrancadas nos ollos de dúas pontes no Gafos
Por Redacción |