Bueu rexeita o sistema de cita previa para acceder ás praias
Por Redacción
O sistema proposto pola Xunta de Galicia para regular o acceso ás praias mediante cita previa non convence en Bueu. O Concello rexeita esta opción que cualifican de "ocorrencia".
O alcalde do municipio, Félix Juncal, considera que existe un "afán desmedido de chegar antes non se sabe ben a que lugar" sen ningún tipo de criterio máis alá de "ter notoriedade".
En Bueu, explica o rexedor, están "preocupados" por este tipo de propostas que poden supoñer un cambio de modelo ou de relación das persoas cos espazos naturais.
Todos os cidadáns teñen dereito ao "acceso libre" aos espazos naturais, apunta Juncal, "o que non significa sen condicións ao respecto".
"Comezamos parcelando as praias ou establecendo un sistema de citas previas e quen sabe se alguén poida incorrer na tentación de establecer taxas pola utilización das mesmas", engade o alcalde.
En todo caso, desde o Concello de Bueu apuntan que ningún sistema de control de acceso, de restricións no uso dos espazos públicos, garantirá o seu éxito "se non existe convencemento social, corresponsabilidade persoal e individual".
Por iso, insisten na importancia de cumprir coas recomendacións e disposicións que se establezan polas autoridades competentes en materia sanitaria.
Relacionadas:
-
O Grove rexeita o sistema de cita previa para ir á praia e reforzará os servizos nos seus areais
Por Redacción |
-
Vilanova dará prioridade a veciños e turistas aloxados no municipio no acceso ás súas praias
Por Redacción |
-
Sanxenxo medirá con drones o aforo das súas praias pero non pensa en reservas con cita previa
Por Redacción |
-
Marín estudará "en profundidade" adherirse á plataforma para controlar o acceso ás praias
Por Redacción |
-
Pontevedra ve "elitista" regular o acceso ás praias con códigos QR
Por Alejandro Espiño |
-
Unha APP con ADN pontevedrés para regular o acceso ás praias
Por Alejandro Espiño |
-
Promoven unha plataforma para que o acceso ás praias sexa con cita previa este verán
Por Redacción |