Adxudicadas en Caldas as obras de reposición do muro de contención de Segade
Por Redacción
A empresa Emdesfor será a encargada de proceder á reposición do muro de contención que se derrubou no núcleo de Segade de Abaixo, na parroquia de Santa María de Caldas de Reis. Tras contar coas autorizacións de Patrimonio e de Augas de Galicia, o Concello adxudicou este martes as obras que están financiadas pola Deputación e teñen un orzamento de case 38 mil euros.
O derrube produciuse o pasado inverno, cando colapsou consecuencia dos temporais rexistrados naquel momento. O incidente obrigou a cortar o via superior e o camiño peonil inferior, deixando incomunicadas parcialmente algunhas vivendas.
O feito de que o proxecto requirise autorización de Patrimonio débese a que se atopa na contorna de protección do Muíño das Pontellas e da Ponte de Portugalete, incluído no catálogo de bens de Patrimonio Cultural de Galicia. E o permiso de Augas de Galicia responde a que a actuación está nunha zona de afectación da marxe dun leito fluvial.
Ambos os organismos nos seus respectivos permisos fan constar unha serie de condicións como os materiais para empregar tanto no muro como o camiño peonil, así como a preveservación da vexetación na ribeira do río Umia. A actuación prevista afectará a un tramo de dezaoito metros.
Relacionadas:
-
Caldas completa a rede de saneamento no núcleo de Segade de Arriba
Por Redacción |
-
Plan de bacheo para rematar coas fochancas en todas as vías de Caldas
Por Redacción |
-
O Concello de Caldas crea unha campaña de entrega a domicilio gratuíta desde calquera establecemento
Por Redacción |
-
Caldas de Reis rozará ata xullo todas as estradas, pistas e camiños do municipio
Por Redacción |
-
Augas de Galicia limpa o curso dos ríos que atravesan Caldas e Portas
Por Redacción |
-
Caldas comezou os traballos para restaurar a fonte dos catro caños de Tibo
Por Redacción |
-
Así se deixou notar o temporal de vento "Fabien"
Por Oskar Viéitez | Creada e actualizada