Ponte Caldelas abre as súas oficinas municipais para a atención con cita previa
Por Redacción
O Concello de Ponte Caldelas abre este luns 25 de maio as súas portas de novo. Debido ás medidas de seguridade marcadas polas autoridades sanitarias, só se atenderá baixo o sistema de cita previa.
As persoas que precisen facer trámites na Casa Consistorial deberán chamar previamente ao 986750001 ou 986750013 para concertar día e hora para o departamento que precisen. O mesmo sistema seguirase para o uso da biblioteca municipal, neste caso chamando ao 986767235.
Como medida de protección, nas oficinas de atención ao público instaláronse mamparas de protección e todas as mesas dispoñen de xel hidroalcólico para desinfección de mans. Todos estes elementos se suman á fonte desinfectante xa instalada ao carón da porta principal do edificio.
Ata o momento, o Concello de Ponte Caldelas atendía por teléfono e vía telemática, coa excepción das cuestións urxentes, para as que se recibía aos veciños que o precisasen de modo presencial, mantendo todas as correspondentes medidas de seguridade e distanciamento recomendadas.
Relacionadas:
-
Ponte Caldelas instala alfombras desinfectantes na entrada ao consistorio
Por Redacción |
-
A Troita de Ponte Caldelas tamén se pon a máscara
Por Redacción |
-
As instalacións municipais de A Lama abrirán a partir do luns
Por Redacción |
-
Ponte Caldelas extrema as precaucións no regreso da feira
Por Redacción |
-
Os concellos da provincia contarán cun servizo de cita previa grazas á plataforma informática da Deputación
Por Redacción |
-
O Consistorio de Ponte Caldelas segue a prepararse para a atención aos cidadáns
Por Redacción |