Pontevedra solicita á Xunta que permita abrir os furanchos no verán
Por Redacción & Mónica Patxot
O goberno municipal está disposto a aceptar que os furanchos poidan abrir no verán. Iso si, para poder facelo é necesario un permiso da Xunta que o Concello comprometeuse a solicitar.
Así llo trasladou o concelleiro de Urbanismo, Xaquín Moreda, aos representantes da Federación de Furancheiros, Loureiros e Viticultores de Pontevedra, Lucía Josefa Gómez e José María Fernández Cortizo, cos que mantivo unha xuntanza este venres.
A ampliación do período de apertura para furanchos e loureiros foi a principal demanda. O período de apertura remata o 30 de xuño pero, a raíz do estado de alarma, estes establecementos apenas abriron, no mellor dos casos, un par de días.
Ante esta situación excepcional, Xaquín Moreda agarda que a Xunta reformule os permisos e permita aos concellos estender o prazo para a actividade dos furanchos mediante unha "habilitación expresa".
Deste xeito, coincide o Concello e o sector, poderán minorarse ou paliarse os efectos da crise provocada pola pandemia do coronavirus, permitindo unha no tempo da súa actividade máis aló dos períodos inicialmente autorizados.
De cara o futuro, destacou o edil de Urbanismo, o Concello introducirá unha modificación na ordenanza municipal para contemplar situacións de excepcionalidade como a actual.
Relacionadas:
-
Pontevedra permitirá que os furanchos abran en xullo se hai "circunstancias excepcionais"
Por Alejandro Espiño |
-
Rueda compromete unha reunión cos furancheiros para escoitar as súas reivindicacións
Por Oskar Viéitez & Cristina Saiz |
-
Proxecto piloto cos furanchos para visibilizar o potencial vitivinícola de Pontevedra
Por Redacción |
-
O Concello de Marín amplía a tempada de furanchos ata o 31 de xullo
Por Redacción |
-
A Xunta invita os furancheiros a solicitar nos Concellos a apertura dos seus establecementos ata o 31 de xullo
Por Redacción |
-
As familias furancheiras alertan de que perderán os remanentes de viño se non lles amplían as datas de apertura
Por Anxo Lourido |
-
Comeza a tempada de furanchos en Marín
Por Redacción |