O viveiro do polígono de Barro roza o cheo coa incorporación de dous novos proxectos
Por Redacción
A pesar da crise provocada pola COVID-19, hai emprendedores que seguen adiante co lanzamento dos seus proxectos empresariais. Dous destes exemplos son os que se veñen a incorporar ao viveiro que a Deputación ten no polígono de Barro.
A estas instalacións chegaron TayserParts S.L., centrada no comercio ao por menor de accesorios e pezas de recambio para produtos terrestres; e Cellgal Telecom SL, que asentará a súa actividade na instalación e mantemento de equipos de cobertura móbil.
Con estas dúas incorporacións, o viveiro empresarial de Barro ten o 100% das súas naves ocupadas e, no caso das oficinas, a utilización alcanza o 75%.
A través deste viveiro de empresas, a Deputación pretende facilitar o desenvolvemento de proxectos empresariais creativos e innovadores, así como de iniciativas económicas de interese para a provincia.
Deste xeito, este espazo acolle temporalmente proxectos que precisan dun luga para comezar a dar os seus primeiros pasos no mercado e os seus responsables reciben unha ampla gama de servizos de formación.
Relacionadas:
-
Barro lanza unha campaña en redes sociais para promover o comercio local
Por Redacción |
-
Optimismo na Deputación polo funcionamento do Polígono de Barro
Por Oskar Viéitez |
-
O PP provincial alerta do perigo e o abandono do polígono industrial de Barro
Por Redacción |
-
‘Elixe comercio local’ consolida a aposta da Deputación pola compra de proximidade
Por Redacción |
-
O novo obradoiro de Panaderías Acuña no polígono de Barro estará operativo en 2022
Por Oskar Viéitez |
-
Mafari Café compra tres parcelas no polígono de Barro para montar o seu centro loxístico
Por Oskar Viéitez |
-
Fenosa dotará a Barro dunha nova conexión eléctrica para evitar futuros cortes na rede
Por Redacción |