A desescalada tamén se nota no número de multas da Policía Local
Por Oskar Viéitez
A Policía Local de Pontevedra formulou 533 denuncias por presuntas infraccións ao decreto de Estado de Alarma desde a súa entrada en vigor o pasado 14 de marzo, segundo datos oficiais facilitados pola concelleira responsable de Seguridade Cidadá, Eva Vilaverde.
O 76% destas multas foron impostas a homes e o resto a mulleres.
Por tramos de idade o grupo de cidadáns de entre 18 e 39 anos acumula o maior número de multas.
Eva Vilaverde destacou o descenso nas denuncias que se aprecia cada semana e que nesta última só rexistraba 6 infraccións. Tamén houbo catro multas a locais que abriron máis veladores dos permitidos.
A edil nacionalista celebrou especialmente un dato, o do número de fogares con algunha persoa enferma da Covid-19 na cidade de Pontevedra e aos que se presta un servizo especial de recollida da lixo porta a porta, a día de hoxe no Concello "non temos constancia de casos activos".
Relacionadas:
-
A Policía Local tramita 17 multas, 4 a locais de hostalería, por incumprir as normas anticovid na última semana
Por Manu Otero |
-
Anulan unha multa a un mozo que estaba a fumar na rúa cun amigo durante o estado de alarma
Por Natalia Puga |
-
Doce denuncias a bares de Pontevedra por incumprir a normativa das terrazas
Por Oskar Viéitez |
-
A Policía Local impón 476 multas, 14 esta fin de semana, por incumprir estado de alarma en Pontevedra
Por Redacción |