Os universitarios poderán realizar os seus exames de forma telemática na aula Cemit de Combarro
Por Redacción
A aula Cemit de Combarro poderá ser utilizada por estudantes universitarios para poder realizar os seus exames académicos de maneira telemática. As instalacións de Poio forman parte do acordo conseguido entre as tres universidades de Galicia e a Federación Galega de Municipios e Provincias para establecer puntos de conexión estable para aqueles mozos que non dispoñen dunha conexión a Internet adecuada.
Por outra banda, a aula Cemit ten programada unha nova convocatoria para obter o Certificado Codix (Competencias Dixitais). O período de inscrición permanecerá aberto desde o vindeiro venres, 29 de maio.
Debido á situación actual, o curso non comezará ata o próximo mes de setembro. Está previsto que as sesións finalicen en novembro.
A aula de Combarro está aberta en horario de atención telefónica entre as 10.00 e as 11.30 horas, de luns a venres, para asesorar e resolver dúbidas a usuarios e usuarias.
Relacionadas:
-
A Aula CEMIT de Poio retoma a súa actividade a partir do luns
Por Redacción |
-
Marín pon a disposición do estudantado a aula CeMIT da Biblioteca Vidal Pazos para realizar exames
Por Redacción |
-
Coa fase 1, volven o mercado de Combarro, a biblioteca e un horario amplo para o cemiterio de Poio
Por Redacción |