Pemes e autónomos locais coinciden en que as redes sociais son unha "oportunidade todavía por explotar"
Por Redacción
A concellería de Promoción Económica do Concello de Pontevedra e a Asociación de Autónomos e Pequenas Empresas APE Galicia celebraron este xoves 28 de maio o seu sexto encontro dixital do ciclo "Reinicia Pontevedra".
Neste programa de relanzamento empresarial ofrécense gratuitamente a autónomos e pemes dúas accións: por unha banda, asesoramentos persoalizados para 25 negocios, e por outra banda sete encontros dixitais de temáticas transversais e multisector.
O título do coloquio deste luns 25 de maio foi "Estratexias de comunicación dixital e física: redes sociais e influentes". Os cinco relatores coincidiron en que as redes sociais son unha "oportunidade todavía por explotar" polas pemes de Pontevedra e destacaron que teñen "capacidade de conectar especialmente coa clientela local".
Suliñaron que moitos pequenos negocios teñen unha presencia dixital e en redes sociais tan escasa que están "perdendo oportunidades". Tamén, que paga a pena "invertir tempo en mellorar as fotografías e os textos", porque repercute directamente na audiencia e seguidores en redes sociais da da empresa.
Neste cliclo organizado pola Secretaría Técnica de APE Galicia, os autónomos expertos de Pontevedra que interviñeron foron o presidente de AJE Pontevedra e membro da executiva de APE Galicia, Jesús Rey; Sonsoles Fariña, de Iconweb; Alberto Ribas, do blog turístico @Alvientooo; e Gonzalo Rodríguez, de El Club del Café, xunto co ponente e coordinador do ciclo, Miguel Ángel Souto Fraga, consultor de ventas e marketing en Pontevedra.
Relacionadas:
-
Encontro dixital entre dirixentes do Igape e Emprego con autónomos e pemes para reactivar a economía
Por Redacción |
-
Rematan as charlas informativas para recuperar a actividade dos profesionais autónomos da cidade
Por Redacción |
-
Encontro dixital dos autónomos para definir a volta á actividade
Por Redacción |
-
Personalizar a oferta, proposta de Reinicia Pontevedra para relanzar empresas
Por Redacción |
-
O plan Reinicia Pontevedra para pemes e autónomos iníciase o día 11 cun encontro dixital multisectorial
Por Redacción |
-
'Reinicia o teu negocio', o plan de #PonteLovers e a Asociación de Autónomos para asesorar ao comercio local
Por Redacción |