Unha colisión entre dous turismos deixa dúas persoas feridas en Bueu
Por Oskar Viéitez
Dúas persoas resultaron feridas este xoves a causa dun accidente entre dous coches rexistrado na CG-4.1, en Bueu
Segundo informaron fontes da Garda Civil, o sinistro tivo lugar ás 13:30 horas á altura do punto quilométrico 14, próximo á saída do túnel da Madalena, sentido Bueu.
Varios particulares contactaron ao 112 Galicia advertindo que ao menos unha persoa parecía necesitar axuda para abandonar o seu vehículo.
Ata o lugar do suceso acudiron os profesionais de Urxencias Sanitarias de Galicia-061, dos Bombeiros de Vigo e do Morrazo e dos membros de Protección Civil de Cangas.
Unha vez no lugar, os equipos de emerxencia tiveron que liberar a unha das persoas feridas. Finalmente, ambas foron atendidas polo equipo médico e evacuadas ao centro hospitalario de referencia.
Cómpre sinalar que para garantir as condicións de seguridade na vía, desde o 112 Galicia informouse aos axentes da Garda Civil de Tráfico e da Policía Local de Bueu e de Cangas, ademais do servizo de mantemento da estrada.