Numerosa manifestación de profesionais do sector sanitario pedindo a dimisión da xerencia dos hospitais de Pontevedra
Por Mónica Patxot & Redacción
"Defendamos os nosos dereitos", con esta premisa iniciábase este venres unha marcha convocada polos sindicatos Comisións de base (Co. Bas), Prosagap e CESM-Galicia na que convidaban a participar a todo o persoal dos hospitais públicos e centros sanitarios de Pontevedra: celadores, AA. SS., telefonistas, técnicos, profesionais de enfermería, facultativos, Tcaes, lavandeiros, persoal administrativo, de cociña e de mantemento.
A protesta realizábase cos participantes portando máscaras de protección e gardando distancias de seguridade entre eles coa intención de evitar contacto ante o perigo de contaxio da Covid-19. Desde a organización tamén se tomou a decisión de que non se portasen siglas políticas porque o obxectivo era dotar de "unidade" a este acto reivindicativo en defensa da sanidade pública no que se coreaban lemas como 'Con camas pechadas, urxencias colapsadas', 'Coida a quen te coida', 'As camas no Quirón custan un montón' ou 'Os aplausos, onde están?', ao tempo que os manifestantes pedían ás persoas que se asomaban aos balcóns e ventás a que se sumaran á marcha.
Os participantes iniciaban o percorrido na porta do Hospital Provincial e circulaban por Benito Corbal e Peregrina ata desembocar na praza de España. Na intervención final, Enrique Marra-López, delegado de CESM-Galicia e médico do Hospital Provincial, megáfono en man, aseguraba que durante a crise sanitaria moita xente se contaxiou porque desde a xerencia non fixeron caso aos profesionais cando alertaron da situación. Apuntan a que os máximos responsables da área sanitaria adoptaron tarde as medidas de prevención.
Exisen a dimisión do equipo da xerencia da área sanitaria de Pontevedra e O Salnés, que lidera o xerente José Ramón Gómez Fernández, ao entender que impón cambios aos traballadores sen manter a comunicación coas forzas sindicais. Por este motivo, quéixanse das medidas adoptadas durante a última década en canto a horario, mobilidade do persoal, recursos humanos, sistemas de quendas e conciliación laboral. Inciden en que esta situación agravouse con motivo da crise sanitaria que se atravesa con motivo dos casos de coronavirus. Afirman que hai determinadas áreas hospitalarias pechadas ou inactivas e que desde a xerencia derivan os pacientes a hospitais privados.
Con esta manifestación tamén queren alertar do peche de camas previsto para este verán e ao berro de "goberne quen goberne, a sanidade pública deféndese" reclámanse máis recursos materiais e persoais para garantir a atención dos usuarios de hospitais e centros sanitarios de Pontevedra.
A protesta contou co apoio doutros profesionais que estaban na súa quenda laboral e que non puideron acudir á manifestación como no caso dos PAC's do Centro de Saúde da Parda ou o de Caldas de Reis.
Relacionadas:
-
O sindicato Co.Bas pide o cese inmediato de todo o equipo directivo do Complexo Hospitalario de Pontevedra
Por Redacción |
-
Centos de persoas demandan a destitución da xerencia dos hospitais de Pontevedra se non abre vías de diálogo
Por Mónica Patxot & Anxo Lourido |
-
Os sindicatos sanitarios continuarán coas mobilizacións ata que se abra unha mesa de negociación coa Xerencia
Por Oskar Viéitez |
-
Sindicatos sanitarios acusan o Sergas de manipular as cifras de afectados pola Covid para saír do estado de alarma
Por Mónica Patxot & Anxo Lourido |
-
O Sergas denuncia que as protestas do persoal sanitario non respectan a distancia de seguridade
Por Oskar Viéitez |
-
Nova concentración nos hospitais de Pontevedra ao berro de "xerente dimisión" ante o temor da privatización de Mantemento
Por Mónica Patxot & Anxo Lourido |
-
Sindicatos da área sanitaria piden á xerencia que se investiguen as máscaras de protección que provocan comechón e alerxias
Por Redacción |
-
Volta ao traballo na unidade de Reanimación do Hospital Montecelo tras rematar as obras
Por Oskar Viéitez |
-
Convocan unha manifestación do persoal de centros sanitarios pidindo a dimisión da xerencia para este venres 29 por Pontevedra
Por Anxo Lourido |
-
Concentracións nos hospitais públicos para reclamar á xerencia planificación do persoal para os vindeiros meses
Por Redacción |
-
Sindicatos dos hospitais de Pontevedra acusan á xerencia de "maquillar" os datos sobre profesionais contaxiados
Por Redacción |
-
Persoal sanitario do CHUP denuncia a identificación de 1.640 máscaras de protección defectuosas
Por Anxo Lourido |
-
Proxectan unha manifestación sindical en maio para demandar medidas de seguridade para o persoal sanitario
Por Diego Torrado & Anxo Lourido |
-
Varios sindicatos sanitarios convocan concentracións diante dos hospitais para esixir máis medios
Por Oskar Viéitez |