Sen hospitalizados na área de Pontevedra, 29 casos activos por coronavirus evolucionan nos seus domicilios
Por Oskar Viéitez
Terceira xornada sen doentes ingresados con positivo activo por coronavirus no Complexo Hospitalario Universitario de Pontevedra.
Segundo os datos oficiais ofrecidos este sábado, a área sanitaria de Pontevedra e O Salnés conta con 29 casos activos de Covid-19, un menos que onte. Todos eles evolucionan nos seus respectivos domicilios sen necesidade de recibir atención hospitalaria.
A Dirección Xeral de Saúde Pública da Consellería de Sanidade informou este sábado que, na última actualización, o número de casos activos de coronavirus en Galicia é de 749, deles 29 son os xa mencionados da área sanitaria de Pontevedra, 170 son da área da Coruña, 44 da de Lugo, 82 da de Ourense, 269 da área de Vigo, 136 da de Santiago, e 19 da de Ferrol.
Do total de pacientes positivos, 3 permanecen en UCI, 36 están en unidades de hospitalización e 710 no domicilio. Polo de agora, en Galicia hai un total de 9.936 persoas curadas, rexistrándose 615 falecementos.
O número de PCR realizadas é de 141.331.
Relacionadas:
-
Os casos activos de coronavirus descenden ata os 25 na área sanitaria pontevedresa
Por Diego Espiño |
-
Terceira xornada consecutiva con 28 casos activos de coronavirus na área sanitaria
Por Diego Espiño |
-
Sen cambios no balance diario do Covid-19 en Pontevedra e O Salnés, con 28 casos activos
Por Diego Espiño |
-
Dos 732 casos activos por coronavirus en Galicia só 28 son de Pontevedra
Por Oskar Viéitez |
-
Baixa ata os 30 o número de casos activos de coronavirus na área sanitaria
Por Diego Espiño |
-
Recibe a alta o único paciente hospitalizado por Covid-19 na área sanitaria, con 36 casos activos
Por Diego Espiño |