Paloma Castro insta á Xunta a "cumprir as súas competencias" e reabrir os centros de día
Por Redacción
A Xunta de Galicia non ten previsto abrir os centros de día e os centros de discapacidade, polo menos, ata setembro. Para a edil de Benestar Social de Pontevedra, Paloma Castro, é unha mostra da "desidia" do goberno galego ao que lle insta a "cumprir as súas competencias".
Castro, número 3 da lista do PSdeG-PSOE por Pontevedra ás eleccións galegas, advirte que esta decisión provoca "graves consecuencias" aos maiores e ás persoas con discapacidade funcional que usaban estes centros, así como ás súas respectivas familias.
Por iso, a socialista reclama que a Xunta deseñe os protocolos necesarios para reabrir esas instalacións "con todas as garantías" e que non condene a estes colectivos "a seguir confinados cando toda a cidadanía está en fase de desescalada".
A edil de Benestar Social recorda o carácter terapéutico que teñen estes centros e lamenta que o goberno galego non teña en conta as consecuencias "físicas e psicolóxicas" de manter pechadas estas instalacións para os seus usuarios e os problemas de conciliación que implica para as familias.
Relacionadas:
-
Benestar Social reclama formación e material sanitario para os centros de atención a persoas con diversidade funcional
Por Redacción |
-
Os centros de día prestarán atención terapéutica individual con cita previa
Por Redacción |
-
Benestar Social reforza o seu equipo coa contratación dun novo traballador social
Por Redacción |
-
Contratan seguridade e vixilancia para a Casa Azul, a unidade de drogodependencias e o gastromercado
Por Redacción |
-
Dous de cada tres usuarios dos albergues durante o estado de alarma levan máis de 3 anos vivindo na rúa
Por Redacción |
-
Caballero impulsará as políticas sociais fronte os "recortes e inacción" de Núñez Feijóo
Por Alejandro Espiño & Mónica Patxot |