As obras de reposición do firme na rúa San Roque obriga a restrinxir a circulación
Por Redacción
Entre as 08.00 e as 20.00 horas deste xoves 11 e venres 12 de xuño está previsto que se prohiba o tráfico en sentido ascendente na rúa San Roque, desde a avenida de Marín cara a Alameda. O motivo desta limitación da circulación atópase no desenvolvemento das obras para rehabilitar a capa de rodadura da calzada.
Segundo o goberno local de Pontevedra, o firme desta vía aparece deteriorado e quérese repoñer o asfalto a para evitar situacións de perigo na circulación. As obras conlevan un plan de tráfico específico durante as dúas xornadas. Estas medidas afectan tanto á rúa San Roque, na que só se poderá circular en sentido de baixada para o tráfico rodado, como ás rúas da contorna.
Estas obras forman parte da reposición de firme que se acometen en diversas rúas da cidade dentro do contrato de mantemento de espazos públicos. A zona de San Roque non estaba prevista dentro dese plan de reparación pero, durante as últimas semanas, detectouse o mal estado do asfalto.
A próxima semana estes traballos de mellora das calzadas trasladaranse á avenida Xoán Carlos I, onde tamén se rehabilitará a capa de rodadura.