Marín desinfecta os parques infantís de cara á súa reapertura esta fin de semana
Por Redacción
Os nenos de Marín poderán xogar de novo nos parques infantís municipais a partir do venres pola tarde. Así o anunciou este xoves o Concelllo, que indicou que desde o martes desta semana estanse a realizar desinfeccións en todas as áreas recreativas, de cara á súa nova posta en funcionamento.
A Policía Local desprecintará aquelas áreas que foran limpadas, dado que se seguirá coas desinfeccións paulatinamente, e colocará carteis informativos nos que, con iconografía clara e sinxela, se entenda a necesidade de manter en todo momento as medidas de hixiene e seguridade recomendadas.
El Concello apela á responsabilidade individual e ao comportamento cívico para gozar de novo dos espazos para os cativos con sentidiño, sen relaxar as medidas de prevención de contaxios.
Tamén desde hai dúas semanas procedeuse á reapertura das canchas deportivas municipais ao aire libre, así como a posta de novo en marcha dos asadores no Lago de Castiñeiras.
En todos estes casos, o Concello colocou carteis con mensaxes informativos e de concienciación, para que o proceso de desescalada sexa respectado, recuperando pouco a pouco o dominio do espazo público pero sen perder de vista extraordinaria situación que estamos a vivir.
Relacionadas:
-
O BNG pide o peche dos parques infantís de Marín polo aumento de casos de Covid-19
Por Redacción |
-
Marín acondiciona o roteiro do Lago de Castiñeiras para recibir visitantes
Por Redacción |
-
Os socialistas critican á Xunta por abrir os parques infantís sen contar cos concellos
Por Oskar Viéitez |
-
O PSOE acusa ao Concello de Marín de incumprir a lei a apertura dos parques infantís
Por Redacción |
-
Poio tampouco abrirá os parques infantís este luns e aposta por facelo de "xeito gradual e progresivo"
Por Redacción |
-
Cuntis asegura que cumprir as medidas para reabrir os parques é "inviable cos actuais medios e recursos"
Por Redacción |
-
Pontevedra decide manter pechados unha semana máis os parques infantís
Por Redacción |
-
Os asadores do Lago de Castiñeiras volverán estar operativos a partir do 6 de xuño
Por Redacción |