Balance diario Covid-19: Sen altas nin novos contaxios e con 8 casos activos na área sanitaria
Por Diego Espiño
Xornada sen cambios na área sanitaria con respecto ás cifras relacionadas coa pandemia de coronavirus.
Segundo o balance ofrecido este sábado 13 de xuño pola Consellería de Sanidade, Pontevedra e O Salnés mantense por segunda xornada consecutiva con 8 casos activos de Covid-19, evolucionando todos os afectados nos seus domicilios sen ser necesaria a súa atención nos hospitais da comarca.
Esa estabilidade débese a que nas últimas horas non se contabilizaron nin altas epidemiolóxicas nin novos contaxios, polo que a cifra total de curados desde o inicio da pandemia segue sendo de 891. Pola súa banda a cifra de falecementos asociados ao coronavirus mantense desde hai varias semanas nos 16.
A nivel galego, segundo a última actualización da Dirección Xeral de Saúde Pública da Consellería de Sanidade, o número de casos activos de coronavirus en Galicia é de 359, dous máis que o venres. Deles 108 son da área da Coruña, 22 da de Lugo, 28 da de Ourense, 8 da de Pontevedra, 147 da área de Vigo, 34 da de Santiago, e 12 da de Ferrol.
Do total de pacientes positivos, 7 están en unidades de hospitalización e 352 no domicilio. Non hai pacientes positivos en UCI. Polo de agora, na comunidade hai un total de 10.476 persoas curadas, rexistrándose 619 falecementos.
O número de PCR realizadas é de 157.075 e o número de casos de coronavirus detectados en centros residenciais de servizos sociais supoñen o 0,02% do total das persoas residentes. En toda Galicia hai 7 usuarios e 9 profesionais de centros residenciais contaxiados e rexistráronse 132 falecementos en residencias e 142 en hospitais e residencias integradas.
Relacionadas:
-
A área sanitaria mantense nos 7 casos activos de coronavirus
Por Diego Espiño |
-
Os casos activos de Covid-19 baixan a 7 na área sanitaria
Por Diego Espiño |
-
A área sanitaria estáncase nos 8 casos activos de coronavirus
Por Diego Espiño |
-
Quinto día sen rexistrar contaxios de Covid-19 na área sanitaria, onde permanecen activos 8 casos
Por Diego Espiño |
-
Terceira xornada consecutiva con 8 casos activos e sen novos contaxiados de Covid-19 na área sanitaria
Por Diego Espiño |
-
A incidencia do coronavirus na área sanitaria redúcese ata os 8 casos activos
Por Diego Espiño |
-
O primeiro paciente galego con síntomas de coronavirus sitúase en Pontevedra o 15 de xaneiro
Por Natalia Puga |
-
Tres pacientes curados e un novo contaxiado na área sanitaria, que rexistra 11 casos activos de coronavirus
Por Diego Espiño |
-
Tres casos activos menos de coronavirus para un total de 13 na área sanitaria
Por Diego Espiño |