Os Palleiros recuperan os seus paseos
Por Redacción & Diego Torrado
A protectora de animais Os Palleiros deu este sábado un pequeno paso máis cara á normalidade, en particular un que esperaba con moitas ganas desde que se decretou o estado de alarma.
Ese paso foi a volta dos 'paseos Palleiros', na que os voluntarios da asociación puideron gozar dun agradable roteiro acompañados de algúns dos cans que habitan o refuxio de Campañó, e que non puideran saír das instalacións desde hai meses.
Os Palleiros, iso si, pediulle aos seus voluntarios que cumprisen unha serie de medidas de prevención, como gardar a distancia de seguridade, usar máscara e levar as súas propias correas para evitar compartir material con outras persoas.
"Isto é un pasiño máis cara á normalidade que todos estamos a desexar recuperar", sinalaron desde a protectora, "pero precisamente por iso é tan importante cumprir as regras para garantir ao máximo a seguridade sanitaria".
A actividade retomouse este sábado pero a intención é, na medida do posible, ir recuperando a normalidade con novos paseos os martes e os xoves.
Relacionadas:
-
Os Palleiros pide axuda ao Concello para acabar coas filtracións de auga nas súas instalacións
Por Diego Espiño |
-
RADIO.- Podcans: Que son e como se traballan as distancias de interacción co can
Por Redacción |
-
As protectoras de animais paralizan as adopcións durante o Estado de Alarma
Por Sara Iglesias |
-
RADIO.- Podcans dáche a opinión sobre a compra ou a adopción dun can
Por Redacción |