Rafa Domínguez acusa o Concello de "falta de previsión" na apertura dos parques infantís
Por Redacción
A decisión de atrasar unha semana a apertura dos parques infantís do municipio xustificado na "improvisación" e o pouco tempo dado pola Xunta para cumprir os requisitos esixidos, provocou este domingo a crítica do Partido Popular de Pontevedra.
O portavoz da organización a nivel local, Rafa Domínguez, acusou o Concello de "falta de previsión", sinalando que "os nenos e as nenas da nosa cidade de terán que ir a concellos adxacentes para poder xogar".
Segundo Domínguez a administración local "debe investir o necesario en plans de adaptación, hixiene e desinfección sen esperar un minuto máis" porque "os nenos foron uns dos colectivos máis prexudicados nesta pandemia, polo que debería ser unha prioridade que puidesen volver á normalidade o máis axiña posible, con todas as garantías".
Na súa explicación o edil do principal grupo da oposición municipal entende que "a apertura dos parques infantís debería de estar preparado desde hai semanas. Como outros concellos galegos".
Para o líder do PP local "chama a atención que a súa escusa sexa que a desinfección diaria das zonas de xogo é materialmente imposible, algo que se que están a realizar outros concellos máis pequenos e con menos posibilidades que o noso", concluíu Domínguez.
Relacionadas:
-
O PP critica que os parques de Pontevedra sigan pechados unha semana despois e denuncia "incapacidade para articular medidas"
Por Redacción |
-
Abrir os parques infantís de Pontevedra custará 1.400 euros diarios
Por Redacción |
-
Os socialistas critican á Xunta por abrir os parques infantís sen contar cos concellos
Por Oskar Viéitez |
-
Pontevedra decide manter pechados unha semana máis os parques infantís
Por Redacción |
-
Apertura de parques infantís e aforos ao 75%, así será a entrada na 'nova normalidade' a partir do luns
Por Redacción |