O Concello colabora cos gastos do aluguer do almacén do Banco de Alimentos
Por Oskar Viéitez
O Concello de Pontevedra aprobou este luns en Xunta de Goberno o convenio co Banco de Alimentos para colaborar no financiamento dos gastos do aluguer do local, por un importe de 2.000 euros.
Segundo lembrou a concelleira Carme Da Silva, que exerceu este luns de portavoz do Goberno local, "existe unha colaboración continuada" do Concello con esta entidade social que se fixo "moi intensa" nos últimos meses polas necesidades derivadas da crise da Covid-19.
Nunha recente visita do alcalde de Pontevedra, Miguel Anxo Fernández Lores, e a concelleira de Benestar Social, Paloma Castro, ao almacén da entidade na rúa Faustino Santalices, informouse que, a dia de hoxe, o Banco de Alimentos presta axuda a un dous mil veciños da cidade do Lérez.
No que vai de ano xestionou ao redor de 35,5 toneladas de alimentos, tanto de maneira directa como a través de diversas oenegués coas que colabora. Durante os meses de confinamento o Banco de Alimentos en colaboración co Concello distribuíu comida "porta a porta" a 172 familias do municipio.
Relacionadas:
-
Recollidas e reparticións de alimentos excepcionais en seis meses tamén insólitos
Por Redacción |
-
Concello e Afundación proporcionarán ata 170 menús diarios a menores de Pontevedra en situación vulnerable
Por Redacción |
-
Vodas de prata en tempos de pandemia: unha parella substitúe a súa celebración por unha doazón ao Banco de Alimentos
Por Natalia Puga |
-
Fluxo constante de doazóns para o Banco de Alimentos de Monte Porreiro, que xa supera as 200 familias
Por Redacción |
-
A Brilat cambia o seu habitual desfile de aniversario por unha tonelada de solidariedade
Por Redacción & Mónica Patxot |
-
Almorzos saudables para os máis vulnerables de Monte Porreiro: "Coidar a infancia é imprescindible"
Por Natalia Puga & Mónica Patxot |