Alfonso Rueda, candidato provincial do PP, chama en Caldas a un voto sólido para Galicia
Por Redacción
O candidato ás eleccións autonómicas pola provincia e presidente do PP de Pontevedra, Alfonso Rueda, ofrecía na tarde deste domingo un mitin en Caldas de Reis no que tamén participaban a conselleira de Educación Carmen Pomar e o portavoz local de partido Fernando Pérez.
Rueda, durante a súa intervención, destacaba a xestión do Partido Popular á fronte da Xunta de Galicia sobre todo durante os últimos meses ante a crise provocada pola Covid-19. Segundo manifestou o Goberno de Núñez Feijóo anticipouse e subliñou o investimento durante a última década realizado na sanidade pública.
Por este motivo, indicou que ante as eleccións do próximo 12 de xullo non é momento de realizar experimentos nin de improvisar novas fórmulas senón que hai que apostar polo partido que conseguiu que Galicia sexa mellor hoxe que hai dez anos.
Apuntou a que a alternativa á opción popular é deixar o futuro de Galicia en mans dun cuadripartito en lugar de apostar por un goberno "sólido" e "cohesionado", ademais de "libre para gobernar".
Repasou as actuacións realizadas durante estes meses tan duros causados pola pandemia pero recoñeceu que a Xunta xa tomara medidas fundamentais na atención sanitaria previas a que o Goberno estatal decretase o Estado de Alarma. Neste sentido, afirmou que as prioridades de Feijóo seguen sendo as de combater a pandemia e reconstruír a comunidade. Alfonso Rueda sinalou que "unha situación complicada precisa dun líder que estea á altura. E Feijóo xa demostrou a súa valía".
Fixo referencias aos investimentos contemplados nos orzamentos para este ano destinados a Caldas como a construción dun novo centro de saúde e a ampliación do IES Aquis Celenis ou as actuacións no camiño portugués ou na Senda Verde que une ao municipio con Vilagarcía e Portas.
Por outra banda, a senadora popular Pilar Rojo; o deputado autonómico Jacobo Moreira e o presidente local en Pontevedra do Partido Popular, Rafa Domínguez, visitaban a empresa Linamar e mostraron a súa preocupación pola problemática xerada pola modificación da Lei de Costas, que está a impulsar o goberno socialista. Segundo apuntan, esta reforma provocará o peche de numerosas empresas na provincia.
Relacionadas:
-
Rueda anima a votar "con contundencia" ao PP para evitar "experimentos"
Por Redacción |
-
Ángeles Vázquez apela á muller emprendedora para lograr o desenvolvemento "pleno e duradeiro" do rural
Por Redacción |
-
Feijóo propón a equiparación fiscal das familias de dous fillos e das monoparentais coas numerosas
Por Oskar Viéitez & Mónica Patxot |
-
Francisco Conde destaca a importancia do tecido empresarial de Pontevedra na súa visita a Setga
Por Redacción |
-
Rajoy e Casado, xuntos en Pontevedra para reivindicar a Feijóo como o "mejor presidente" da historia de Galicia
Por Alejandro Espiño & Mónica Patxot |
-
O PP aporta "confianza, certezas e proxecto", destaca Rueda en Ponte Caldelas e Vilaboa
Por Redacción |
-
Rueda incide na importancia das medidas do plan "Galicia, destino seguro"
Por Redacción |