Marín restaura o lavadoiro Río de Casás
Por Redacción
Cunha nova cuberta e cun entorno acondicionado para mellorar o seu aspecto xeral. Así é a nova imaxe do lavadoiro Río de Casás, que vén de ser rehabilitado polo Concello de Marín.
O edil de Medio Rural, Pablo Novas, explicou que o cambio da cuberta estivo motivado polo forte impacto visual que tiña a anterior, xa que os materiais empregados na súa construción non permitían unha boa integración paisaxística.
Agora, este conxunto etnográfico "está moito máis integrado" e adecuado ao espazo no que se asenta, engadiu o responsable do rural no goberno municipal.
A súa revalorización vén da man doutros esforzos que está a realizar o Concello como foi a renovación de toda a sinalización dos lavadoiros da vila.
Ademais, o Concello traballa na creación dunha páxina web específica para os lavadoiros, con fotos de cada un deles e unha explicación detallada da súa orixe ou da súa localización.
ROZAS NO RURAL
Mentres tanto, continúan os traballos de roza das parroquias do rural, a través dos operarios da Asociación Juan XXIII.
Durante o mes de xullo vaise a actuar nos lugares de Resille, Lameiro, Cabodevila, O Pazo, Igrexario de Ardán, Picotes, Malvido, Vilaseca, Xuncal, Xermade, O Con, Bexa, Soaxe, A Brea, Castro, Porteliña, Cidrás, Aniñada, Sequelo, Sete Espadas, Cruceiro do Vento, Outeiro, Igrexario de Mogor e Bagüín.
No que respecta ao tractor rozador que apoia o traballo manual de Juan XXIII, está finalizando os 80 quilómetros de vías e estradas municipais. Nestes momentos está coas subidas ao Lago Castiñeiras.
Relacionadas:
-
O lavadoiro da Fonte do Castiñeiro, en Mogor, estrea nova imaxe despois da súa limpeza
Por Redacción |
-
13.500 euros para sinalizar as fontes do catálogo patrimonial do municipio
Por Redacción |
-
Nova cuberta para o lavadoiro da Roza
Por Redacción |
-
Marín presenta un portal web para coñecer a riqueza cultural e patrimonial dos lavadoiros
Por Redacción |
-
A desinfección de espazos públicos chega aos núcleos rurais de Marín
Por Redacción |
-
É a quenda da limpeza e da roza no rural de Marín
Por Redacción |