RADIO.- Por que elixir Pontevedra como destino vacacional este verán
Por Redacción
En familia, con amigos, en parella ou en solitario, Pontevedra como destino turístico ofrece múltiples alternativas para gozar deste verán. En primeiro lugar, e diante da situación sanitaria pola COVID19, porque é un destino seguro como explica a concelleira de Promoción Económica e Turismo, Yoya Blanco, en PontevedraViva Radio.
Escapar dos rigores do termómetro estival é outro aliciente que asegura o microclima das Rías Baixas. A súa localización permite ademais establecer o "campamento base" na cidade do Lérez e desprazarse para facer visitas a outros emprazamentos de interese da provincia e da Comunidade. Moverse por Pontevedra é "aparcar o vehículo e camiñar con comodidade".
E falando de camiñar, é imprescindible pasear e coñecer o seu patrimonio histórico, de forma particular ou a través das visitas guiadas que se retoman o 7 de xullo. Igualmente recomendable e posiblemente non tan coñecido polo turista, é penetrarse nos seus roteiros pola natureza. Quen escoite o podcast Vuelvo a Pontevedra, van atopar algunhas recomendacións que fai a titular de Turismo, tanto para o día como para a noite.
Yoya Blanco tampouco pasa por alto outra opción que esta 2020 gana enteiros e que ten o seu espazo en Pontevedra: as autocaravanas. Completando opcións para gozar deste destino, deixamos outra proposta, percorrer ou identificar edificios e espazos da ciduad que quedaron plasmados en series e películas.
A web Visit Pontevedra é un primeiro escaparate virtual do que a realidade desta capital ofrece aos turistas que regresen ou cheguen á cidade por primeira vez. Ferramenta a través da que ademais se pode acceder ao sorteo de bonos con noites en aloxamento que inclúe a campaña #VuelvoAPontevedra.
Relacionadas:
-
RADIO.- Vuelvo a Pontevedra: "Seguimos sendo un destino seguro para recibir turismo"
Por Redacción |
-
Amplían os roteiros de pádel surf polo Lérez tras esgotar as prazas en tres horas
Por Redacción |
-
Pontevedra abre as portas do seu "patrimonio invisible"
Por Alejandro Espiño |
-
VÍDEO.- Pontevedra, a polo turista do norte de España e Portugal coa campaña #VuelvoaPontevedra
Por Alejandro Espiño |