Dezasete estudantes con discapacidade visual realizarán a EBAU no Centro de Recursos da ONCE en Pontevedra
Por Redacción
O vindeiro martes 7 de xullo comenzará en Galicia a Avaliación de Bacharelato para o Acceso á Universidade, ABAU, e no Centro de Recursos Educativos da ONCE en Pontevedra realizarán estes exames un total de dezasete estudantes cegos ou con discapacidade visual severa. Do mesmo xeito que durante a súa etapa formativa, estes mozos contaron con profesorado dos Equipos Específicos de Atención Educativa da Organización - en colaboración coa Xunta - para preparar esta proba.
Da mesma forma que o resto de recintos onde se vai a desarrolar a ABAU, o Centro de Recursos de Campolongo tamén tivo que adaptarse aos requisitos preventivos e de seguridade ante a COVID19. Seguiranse estritas medidas de limpeza, ventilación e desinfección; e facilitaranse medios de protección. Ademais accederase de forma individual desde o exterior á aula onde terán lugar os exames, sen espazos intermedios de espera; aínda que se se precisa de acompañante poderá contar coa devandita asistencia para realizar este percorrido.
Dado que o número de examinados é reducido, o espazo onde realicen as probas será de uso individual, ou de ter que compartilo, dispoñerán dunha separación moi superior á que recomendan as autoridades sanitarias. Ademais, atendendo ás súas necesidades dispoñerán de material adaptado, así como transcrición ao braille dos exames.
Con todas estas previsións, un ano máis - e xa son vinte e sete -, o Centro de Recursos da ONCE, colabora coa Comisión Interuniversitaria de Galicia para que as persoas con discapacidades visuais poidan realizar estes exames de acceso á Universidade sen outras esixencias que as propiamente académicas.
Relacionadas:
-
Nervios, calor, medidas de hixiene e distancia social: así comezou unha atípica 'selectividade'
Por Redacción & Mónica Patxot |
-
Os exames da 'selectividade' serán en Pontevedra, Vilagarcía e Marín
Por Alejandro Espiño |
-
Os vendedores de cupóns da ONCE volven á actividade tras o estado de alarma
Por Redacción |
-
A selectividade será "diferente" con máis centros de exames e menos movemento de alumnos
Por Alejandro Espiño |
-
Antonio Manuel, usuario dun can-guía: "Se nos queren axudar que nos falen, pero que non nos agarren"
Por Alejandro Espiño |
-
RADIO.- José Ángel Abraldes, director del CRE de la ONCE: "As novas tecnoloxías tamén adoecen de accesibilidade"
Por Marisa Ciordia |