Rueda anima a votar "con contundencia" ao PP para evitar "experimentos"
Por Redacción
Nin caer na confianza de que "todo está feito" nin no medo porque ir a votar será "totalmente seguro". É a mensaxe que trasladou este venres o presidente do PP de Pontevedra, Alfonso Rueda, que animou a votar "con contundencia" ao PP para evitar "experimentos" en Galicia.
Nun mitin celebrado en Xeve, Rueda reclamou aos galegos que o próximo 12 de xullo aposten pola "experiencia de Feijóo" e non opten por un "multigoberno" que ameazaría a recuperación do país tras a pandemia do coronavirus.
"Nestes tres meses comprobouse diferenza de ter un goberno e outro", sinalou o candidato popular, que destacou que o programa do Partido Popular apoia ás persoas "que máis o necesitan", as familias, os emprendedores e os traballadores.
Ademais, preguntou cantas consellerías farán falta para contentar a catro partidos da oposición "se no Goberno central fixeron falta 22 ministerios para satisfacer a dous socios".
Rueda asegurou que "isto non é o que necesita Galicia e aínda menos neste momento", ao entender que á fronte da Xunta debe estar un goberno "único e cohesionado" que mire cara adiante e "non mire cara os lados por se o traizoan ou por se hai descoordinación".
Por último, o dirixente do PP puxo en valor a xestión do goberno galego nos últimos meses, nos que o executivo de Núñez Feijóo "demostrou a súa capacidade de resposta e respondemos con máis eficacia e anticipación.
"Pelexamos por cada vida e por iso houbo moitos maiores de 100 anos que recibiron a alta. E Galicia está orgullosa dese traballo, dos seus profesionais e do seu sistema sanitario", apuntou o tamén vicepresidente galego, que estivo acompañado de Lupe Murillo e Rafa Domínguez.
Relacionadas:
-
O PP presume de boa xestión durante as crises para pedir o voto nun almorzo con empresarios en Sanxenxo
Por Redacción |
-
O PP pide non caer no exceso de confianza e tampouco no medo de ir a votar o domingo
Por Oskar Viéitez |
-
Pablo Casado repite en Pontevedra para "falar ben de Galicia e de Feijóo"
Por Oskar Viéitez & Cristina Saiz |
-
Ángeles Vázquez apela á muller emprendedora para lograr o desenvolvemento "pleno e duradeiro" do rural
Por Redacción |
-
Feijóo propón a equiparación fiscal das familias de dous fillos e das monoparentais coas numerosas
Por Oskar Viéitez & Mónica Patxot |
-
Alfonso Rueda, candidato provincial do PP, chama en Caldas a un voto sólido para Galicia
Por Redacción |