A nova normalidade sáelle máis cara ao departamento de Parques e Xardíns
Por Redacción
A Concellería de Desenvolvemento Sostible e Medio Natural incrementará o seu orzamento para 2020 cunha achega de 215.000 euros para facer fronte ás novas esixencias de mantemento, limpeza e desinfección da nova normalidade.
O departamento que dirixe Iván Puentes, incorporará 110.000 a través da modificación de crédito que o Goberno Local levará nestes días a Comisión de Facenda e 105.000 pola vía da transferencia.
Tal e como explica o edil socialista, a Covid-19 tamén aumentou substancialmente os requirimentos de documentación técnica para o desenvolvemento e materialización de plans de traballo, un apartado que o concelleiro Iván Puentes fortalecerá con 60.000 euros para a prestación de asistencias técnicas.
Puentes matiza que "esencialmente para a redacción de proxectos de obra como a rexeneración das marxes fluviais do Lérez, un estudo coa Universidade sobre as zonas verdes da cidade na nova normalidade e o plan para o novo parque infantil de Pasarón".
Asemade, o concelleiro de Desenvolvemento Sostible e Medio Natural reservará unha achega de 50.000 euros a investimentos, en concreto para suplementar as partidas xa reservadas á creación dun parque canino nunha parcela duns 4.300 metros cadrados nos antigos terreos de Tafisa (contratado á empresa Naturgalia SL por 47.849 euros) e á reposición dunha pasarela de madeira no río dos Gafos, á altura da parroquia de Tomeza, así como o arranxo doutra próxima ao ximnasio Budo.
Relacionadas:
-
Podan as acacias da rúa Andrés Mellado e retiran unha árbore que ameazaba con derrubarse
Por Redacción |
-
O Concello investirá 200.000 euros nun parque 'á carta' para os veciños de Pasarón
Por Redacción |
-
Residentes da Rúa Leandro del Río Carnota, en Lérez, piden a limpeza da contorna
Por Redacción |
-
A praza de Santa Teresa de Jesús Jornet estrea imaxe: xardíns renovados e nova varanda
Por Redacción |
-
Abrir os parques infantís de Pontevedra custará 1.400 euros diarios
Por Redacción |
-
Limpeza e desinfección da praia fluvial do Lérez para o paso á 'nova normalidade'
Por Redacción |
-
Pontevedra estrea maquinaria de 'cero emisións' para conservar os seus xardíns
Por Redacción & Mónica Patxot |
-
A retirada do coche chabola do Pavillón abre a ofensiva do Concello contra os coches abandonados
Por Redacción |