O Grove estuda instalar cámaras nas praias para frear os episodios vandálicos
Por Redacción
Dúas praias do Grove sufriron esta fin de semana a actuación dos vándalos. Trátase de Area da Cruz e Area Grande e os danos producíronse nos postos de socorro e nos aseos habilitados.
Ademais de forzar os peches destes espazos, os delincuentes provocaron numerosas roturas de materiais e realizaron pintadas exteriores que deixaron estes espazos, que xa estaban en uso para a temporada de verán, en lamentables condicións.
Desde o Concello advirten que este atentado contra o patrimonio público será adecuadamente castigado e para iso xa iniciou os traballos para determinar a autoría.
Ante a gravidade dos feitos, o goberno municipal estudará colocar sistemas de videovixilancia nas praias para tentar evitar deterioracións nuns espazos nos que o esforzo económico municipal é moi elevado para manter uns servizos de calidade.
Ao mesmo tempo, o Concello contactou coa Garda Civil para requirirlle o reforzo da vixilancia nocturna na zona, que é da titularidade deste corpo de seguridade.
Relacionadas:
-
O Grove pecha a billa da auga nas praias tras detectar un uso "abusivo e inadecuado"
Por Redacción |
-
A adxudicación de servizos para as praias do Grove redúcese a un ano ante a "nova normalidade"
Por Redacción |
-
O Grove acondiciona a praia de Peralto e prepara un plan de conciliación para o verán
Por Redacción |
-
O Grove 'lava a cara' do seu casco urbano tras o confinamento
Por Redacción |