Marea Galeguista alerta da perda de mil empregos na cultura galega pola Covid-19 e aposta por potenciar o sector
Por Redacción
Peque González, cabeza de lista por Pontevedra de Marea Galeguista, acompañada pola número 3 Sara Valenzuela, mantiñan un encontro este martes co director da Editorial Galaxia, Francisco Castro, para tratar a situación actual do sector editorial en Galicia, derivada da crise provocada pola expansión da Covid-19.
A candidata Peque González manifestou que Marea Galeguista priorizará a creación dunha Consellería de Cultura específica, sen outras atribucións, para que se dedique plenamente a este sector que é fundamental para Galicia e que xera miles de postos de traballo. A representante de Marea apuntou a que a actual administración da Xunta mantén unha atención residual en relación á cultura.
Francisco Castro recoñecía que o Observatorio da Cultura Galega sitúa nunha cifra de mil empregos perdidos neste sector desde que comezou a crise sanitaria. O director da editorial sinalou que durante dous meses non se puido facturar nada e despois rexistrouse unha devolución masiva de mercadoría para que as librerías puidesen subsistir.
Peque González entende que desde a Xunta hai que ofrecer o apoio que precise un sector que resulta imprescindible social e economicamente. Por este motivo reclama crear campañas para defender a lingua, fomentar a lectura e investir nas bibliotecas para garantir a difusión das obras en galego.
En leste mesmo sentido, Francisco Castro sinalaba que Galicia é a comunidade autónoma do Estado con máis librerías por número de habitantes pero a pesar deste dato, segundo o director de Galaxia, "semella que á consellería a cultura lle molesta".
Relacionadas:
-
Marea Galeguista advirte que "vimos para quedar" e converterse na "terceira vía"
Por Redacción & Mónica Patxot |
-
Homenaxe floral na Ferrería da Marea Galeguista ás vítimas da violencia machista
Por Mónica Patxot & Redacción |
-
Pancho Casal afirma que na Marea Galeguista non precisan que veñan de Madrid a facerlle a campaña
Por Oskar Viéitez |
-
Marea Galeguista cre que "o futuro da ría de Pontevedra pasa polo peche de ENCE"
Por Oskar Viéitez |
-
Marea preséntase como a única formación disposta a loitar polos dereitos e benestar dos galegos para pedir o voto
Por Manu Otero |