Barro concede licencia de primeira ocupación para a nave de conxelados de Froiz
Por Redacción
A Xunta de Goberno Local do Concello de Barro acordou conceder a licenza de primeira ocupación á nave que Distrubuciones Froiz construíu no polígono de Barro.
Na visita realizada a pasada semana a esta instalación por parte do alcalde e os técnicos municipais, comprobouse o "total acabado das obras proxectadas e a gran calidade das solucións técnicas e construtivas empregadas para a execución das mesmas, tanto para conquerir a excelencia en canto á eficiencia enerxética como de medidas de seguridade".
A nave de 3.500 metros cadrados, na que van a traballar arredor de 50 persoas, foi construída nunha parcela de 9.000 metros cadrados.
O alcalde Xosé Manuel Fernández Abraldes felicitou á empresa polo resultado final das obras e agradeceu "a súa aposta polo noso polígono", da que esta nave de conxelados é a primeira das actuacións previstas para trasladar a Barro toda a súa plataforma loxística de distribución.
Nos próximos meses está previsto que tamén rematen as obras doutras catro empresas que xa están en fase de execución: Transportes de madera Díaz & Buceta S.L., Trabegons S.L., Frutas Moncho S.L., e TC Group Atlántico S.L.
Relacionadas:
-
Aprobado en pleno o estudo para favorecer a circulación de camións cara o futuro centro loxístico de Froiz
Por Redacción |
-
Froiz e EDF Solar formalizan a adquisición dos terreos no Polígono de Barro
Por Redacción |
-
Transfrío recibe a licenza municipal para asentar o seu centro loxístico en Barro
Por Oskar Viéitez |
-
Frutas Moncho adquire unha segunda parcela no polígono de Barro
Por Oskar Viéitez |
-
Froiz consegue agrupar as parcelas para o seu novo centro loxístico no polígono de Barro
Por Oskar Viéitez |
-
A nova nave de Froiz, primeira en España con autoconsumo fotovoltaico de última xeración
Por Redacción |